Te presidente yuʼun te Grupo Bancario Mundial jich la yal ta jun informe ta junio 2022 «yak ta kʼaxel swokol yan buelta te ants winiketik ta swolol Balumilal te bitʼil mo stojol spisil te biluketik». Ta ora ini yak ta toyel stojol spisil te biluketik sok yantikxan. Pero te ants winiketik maʼyuk bayal stakʼinik yuʼun ya xjuʼ ya smanik.

 Te Monetario Internacional ya yal «te oranax yak ta toyel stojol te gas, te gasolina sok te weʼelil uchʼelil, jich ya yakʼbey bayal swokolik te lumetik te maʼyuk bayal stakʼinik».

 Te Biblia ya skoltayotik yuʼun ya xkʼot ta koʼtantik te bin yuʼun yak ta kʼaxel te wokolil ini, te bin-utʼil ya xjuʼ jsitintaytik sok ya yakʼ smukʼul koʼtantik te ya xkʼot yorail te ya xlaj skʼoplal te jwokoltik ta sbajtelkʼinal.

•   Te tiempo te ayotik ta kuxinel te Biblia ya sbiilintes «slajibal cʼahcʼal» (2 Timoteo 3:1).

•   Te Jesús la yal te ta tiempo ini «ya xchicnaj te bintic xiweltic sba» te ya yakʼbey xiwel te ants winiketik (Lucas 21:11). Te kʼalal ya xmo stojol te biluketik, te ants winiketik ya xjajchik ta xiwel, melel ma snaʼik te bin ya xkʼot ta pasel sok teme ya xjuʼ yuʼunik yakʼbeyel te bin ya xtuun yuʼun te sfamiliaike.

•   Te sjun Apocalipsis la yal te ta tiempo ini, ya xmo bayal stojol te weʼelil «La jcaʼiy ay machʼa cʼopoj [...] te hich la yal: Jun denario stojol te jun litro trigo, soc jun denario stojol te oxeb litro cebada» (Apocalipsis 6:6).

 Yuʼun ya jnaʼtikxan ta swenta te slajibal kʼajkʼal sok te albilkʼop yuʼun te sjun Apocalipsis, ilawil te video Ta 1914 jelon te balumilal sok kʼopona te artículo «¿Qué representan los jinetes del Apocalipsis?».

•   «Ya spasic nahetic soc ya xnahinic tey a, ya stsʼunic tsʼusubiltic soc ya sloʼbeyic sit. Ma ba ya spasic nahetic te yan machʼatic ya xnahinic tey a, soc ma ba ya yaʼiy tsʼumbajel te yan machʼa ya sweʼ» (Isaías 65:21, 22).

•   «Ayuc me bayel trigo ta lumqʼuinal, ta baba witsetic» (Salmo 72:16).

•   «Ya yal te Jehová: Ta scaj te utsʼinel yuʼun te pobrehetic soc te ahcan yuʼun te machʼatic mayuc bin ay yuʼunic, ya xhahchonix, ya jcoltay te machʼatic scʼanojic coltayel» (Salmo 12:5). a

 Te Dios nopol ya xbajt slajinix te pobreil ta swolol Balumilal, teme ya akʼan ya anaʼ bitʼil ya xbajt spas kʼopona te artículo «¿Aybal bin-ora te pajalnax ay stakʼinik te ants winiketike?».

 Te bitʼil mato skʼotesoj ta pasel te Diose, ¿bin-utʼil ya xjuʼ skoltayat te Biblia ta sitintayel te bitʼil yak ta moel stojol te biluketike? Jaʼ ta swenta te tojobteseletik te ya yakʼbotik, jich bitʼil te ya skʼan ya jtuuntestik ta lek te jtakʼintike (Proverbios 23:4, 5; Eclesiastés 7:12). Yuʼun ya anaʼxan kʼopona te articuloetik «Naʼa stuuntesel atakʼin» sok «Te bin ya xjuʼ ya apas teme maʼyuk bayal atakʼin».