Bayal ants winiketik ta swolol balumilal yak ta kʼaxel swokolik yuʼun te nojel jaʼ. Ilawil te bintik ya xkʼax ta noticia:

•   «Te tulan jaʼal kʼaxem ta china maʼyuk jich kʼaxem-a te ayix tal 140 jaʼbil [...]. Ta sábado sok ta miercoles te la yakʼʼ tulan jaʼal ayniwan 75 centímetro te mo stoyolil te jaʼ-e» (AP News, 2 yuʼun agosto 2023).

•   «Ta jueves te tulan yikʼal jaʼal te Khanun sbiil la yichʼ tal tulan jaʼal sok tulan ikʼ ta sur yuʼun Japón, ay cheb kʼajkʼal te maba kom te jaʼale sok ay chaʼtul ants winiketik te lajik yuʼune. [...] Ta swenta te tulan yikʼal jaʼal te kʼaxe 60 centímetro stoyolil te jaʼ te mo ta cordillera central yuʼun Taiwán» (Deutsche Welle, 3 yuʼun agosto 2023).

•   «Ta slajibal semana te nojel jaʼ te kʼax ta [Nueva Escocia] jaʼ ta skaj te la yakʼ tulan jaʼal ta Atlántico canadiense te maʼyuk jich kʼaxem-a te ayix tal 50 jaʼbil» (BBC News, 24 yuʼun julio 2023).

 ¿Bin ya yal te Biblia ta swenta te bin yak ta kʼoel ta pasele?

 Te Biblia ya schol te yakotik ta kuxinel«ta slajibal kʼajkʼale» (2 Timoteo 3:1). Te Jesús la yal te ya sta yorail te ya xbajt kiltik te «bintik xiʼbantik sba» (Lucas 21:11). Te bitʼil yak ta jelonel te kʼinale jaʼ swentail te bayal bin yak ta kʼoel ta pasel te xiʼbantik sbae, jaʼnix jich yak ta toyel sok yak ta batsʼejelxan.

 Te Biblia ya yakʼ smukʼul koʼtantik kʼalal ya yakʼ ta naʼel te ay bintik ya xkʼot ta pasel te xiʼbantik sbae. ¿Bin yuʼun te jich ya kaltike? Melel te Jesús la yal: «Te kʼalal ya awilik te ya xkʼot ta pasel spisil ini, naʼaikme te nopol ayix te Wentainel yuʼun te Diose» (Lucas 21:31; Mateo 24:3).

 Te bintik yak ta kʼoel ta pasel ya yakʼ kiltik te nopolix te Wentainel yuʼun te Diose sok ya swentain spisil te bintik ay ta kʼinale, jich te bin-utʼil te jaʼale (Job 36:27, 28; Salmo 107:29).

 Teme ya akʼan ya ana bin-utʼil te Wentainel yuʼun te Diose ya xbajt schajpan te bintik yak ta kʼoel ta pasel ta balumilal, ilawil te artículo «¿Quién salvará el planeta?».