¡WIKʼILUK JSITIK SPISIL-ORA!
Te politicoetik ya yalik te nopolix te Armagedón | ¿Bin ya yal te Biblia?
Ta sab lunes 10 yuʼun octubre 2022, te rusoetik la stʼomesik bayal bombaetik ta Ucrania. Jich kʼot ta pasel ta skaj te cheb kʼajkʼal ta nail te Ucrania la sjin ta bomba te mukʼul puente te stsʼakoj sbaik-a te Crimea sok te Rusia. Cheʼoxeb kʼajkʼal ta nail, te politicoetik yalojikix-a te nopol ya xkʼot ta pasel te Armagedón.
«Te slajibal buelta la jkuytik te ya xtal te Armagedón jaʼ ta skʼajkʼalel te Kennedy [presidente yuʼun Estados Unidos] kʼalal la sjach kʼop sok te Cuba ta skaj te kʼan yichʼ kʼejel aʼtejibaletik yuʼun guerra tey-a. [...] Kʼalal ya yichʼ chʼojel bomba, jich yilel te ya xtalix te Armagedón» (Joe Biden, presidente yuʼun Estados Unidos, 6 yuʼun octubre 2022).
«Jich ya kaʼiy te jaʼix te Armagedón; ya yakʼbey swokol swolol te Balumilal» (jich la yal te Volodímir Zelenski —presidente yuʼun Ucrania— kʼalal jojkʼoybot ta swenta te wokol ya yakʼ te schʼojel bomba; BBC News, 8 yuʼun octubre 2022).
¿Jaʼbal ya yakʼ xjajch te Armagedón te schʼojel bombae? ¿Bin ya yal te Biblia?
¿Jaʼbal ya yakʼ xjajch te Armagedón te schʼojel bombae?
Maʼuk. Te kʼopil Armagedón jun-nax buelta ya xchiknaj ta Biblia, ta Apocalipsis 16:16. Ma jaʼuk te guerra ya spasik te nacionetik, jaʼ te guerra te ya spas te Dios «ta stojol te ajwaliletik te ayik ta swolol balumilal» (Apocalipsis 16:14). Ta guerra yuʼun Armagedón te Dios ya slajinbey skʼoplal spisil te ajwaliletik ta Balumilal (Daniel 2:44).
Yuʼun ya anaʼxan te bin ya xkʼot ta pasel ta stojol te Balumilal ta yorail te Armagedón, kʼopona te artículo «¿Bin-a te Armagedón?».
¿Yabal yichʼ lajinel ta bomba te Balumilal sok te ants winiketike?
Maʼuk. Te ajwaliletik ta Balumilal yaniwan stuuntesik bomba ta pajel chaʼbej, pero te Dios maba ya yakʼ ta jinel te Balumilal. Te Biblia jich ya yal:
«Stalel ya xhil te qʼuinale» (Eclesiastés 1:4).
«Te machʼatic toj yoʼtanic ya me yichʼic hilel te qʼuinale, sbahtel qʼuinal ya xnahinic tey a» (Salmo 37:29).
Te albilkʼopetik te ay ta Biblia sok te bin yak ta kʼoel ta pasel ta ora ini, ya yakʼ ta ilel te nopol ya xjelon te jkuxlejaltik (Mateo 24:3-7; 2 Timoteo 3:1-5). Swenta ya anaʼ te bin ya yal te Biblia ta swenta te bin ya xkʼot ta pasel ta pajel chaʼbej ichʼa te nojptesel yuʼun Biblia te maba tojbiluk.
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Yabal yichʼ lajinel te Balumilale?
Chajpnaxniwan ya awil-a te bin ya yal te Biblia.
ESSENTIAL BIBLE TEACHINGS
¿Bin yuʼun la spas Balumilal te Diose?
Kʼax tʼujbil te Balumilale. Leknax snamalil ay ta stojol te kʼajkʼale, leknax yipal te bitʼil ya yakʼ buelta sok leknax ya stsʼean sba ta jujun jejch. ¿Bin yuʼun leknax la spas te Diose?
JOJKʼOYELETIK TA SWENTA TE BIBLIA
¿Bin señail ya yakʼ ta ilel te ayotikix ta «slajibal cʼahcʼal»?
Te Biblia la yal te jun-nax ya xkʼot ta pasel te albilkʼopetik te ya yakʼ ta ilel te ayotikix ta slajibal kʼajkʼal.
¡WIKʼILUK JSITIK SPISIL-ORA!
Te Rusia ya yochintay te Ucrania — ¿Yakixbal ta kʼoel ta pasel te albilkʼopetik te ay ta Biblia?
Teme jiche, ¿yabal yal te Biblia bin-utʼil ya xlaj skʼoplal?
TE J-ILKʼINAL TA TOYOL
¿Aybal machʼatik ya xkolik jilel te kʼalal ya xtal te Armagedone?
Kʼalal ya kaʼiytik te kʼopil Armagedón ya xiwotik yuʼun, pero ¿bin-a te Armagedón?
SWENTA JKʼOPLALTIK
Kʼana ulaʼtayel
Naʼbeya sujtib jun jojkʼoyel ta swenta Biblia o naʼbeyaxan skʼoplal te testigoetik yuʼun Jehová.
