Ta 24 yuʼun febrero 2022, te Rusia jajch yochintay te Ucrania, manchukme ay la spasik tulan bayal ajwaliletik ta yantik nación ma juʼ skombelik te guerra. ¿Bintik wokolil ya xkʼot ta swolol balumilal ta skaj te guerra-abi? Te António Guterres, te jaʼ secretario general de las Naciones Unidas jich la yal: «Kʼax batsʼejemix te swokol te ants winiketik, te jinel sok utsʼinel ya staik te Europa sok ta swolol balumilal».

•   Te Jesucristo la yal te ya xkʼot yorail te «ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic» (Mateo 24:7). Kʼopona te artículo «¿Cuál es la señal de los últimos días o de los tiempos finales?» swenta ya awil te yak ta kʼoel ta pasel te albilkʼopetik la yal te Jesús te ay ta Biblia.

•   Te libro yuʼun Apocalipsis ya scholbey skʼoplal te guerra jich kʼoem te bin-utʼil machʼa kajal ta «jcoht tsajal cawu» sok te ya slajin «te lamal qʼuinal ta bahlumilal» (Apocalipsis 6:4). Swenta ya anaʼbeyxan skʼoplal kʼopona te artículo «¿Qué representan los jinetes del Apocalipsis?» sok ilbeya skʼoplal te yuʼun-nanix yak ta kʼoel ta pasel-a te albilkʼope.

•   Te libro yuʼun Daniel la scholbey skʼoplal te ya skontrain sbaik «te ajwalil ta norte» sok te «ajwalil ta sur» (Daniel 11:25-45). Ilawil te video Yak ta kʼoel ta pasel te albilkʼop yuʼun Daniel 11 swenta ya xkʼot ta awoʼtan te jaʼ ajwalil ta norte te Rusia sok te machʼatik ya xjokinot yuʼune. a

•   Jaʼnix jich te Apocalipsis ya yalbey skʼoplal te «guerra ta yorahil te mucʼ scʼahcʼalel yuʼun Dios te spisil ya xhuʼ yuʼune» (Apocalipsis 16:14, 16). Pero, te guerra-abi ma jaʼuk te ya skontrain sbaik te nacionetik, jich bin-utʼil yak ta kʼoel ta pasel ta ora ini. Kʼopona te artículo «¿Bin-a te Armagedón?» swenta ya anaʼbeyxan skʼoplal te guerra te yak ta talele.

•   Te Biblia jamal ya yal te Dios «jcʼaxel ya yacʼ quehchajuc guerrahetic cʼalal ta stiʼil bahlumilal» (Salmo 46:9). Kʼopona te artículo «Ya jmaliytik jun lekil kuxlejalil ta pajel chabej» swenta ya anaʼbeyxan skʼoplal te bin ya sjapbotik te Diose.

•   Te Jesús la snojpteslan te jnopojeletik yuʼun ta skʼanel te yakuk xtal te Wentainel yuʼun Dios (Mateo 6:9, 10). Te Wentainel jaʼ jun gobierno te ay ta chʼulchan sok ya xbajt schajpan te Balumilal, jich bin-utʼil ya skʼan te Diose. Jaʼnix jich te Dios ya skʼan te ayuk lamalkʼinal ta swolol Balumilal. Ilawil te video ¿Bin-a te Wentainel yuʼun te Diose? swenta ya anaʼbeyxan skʼoplal te bin ya xjuʼ ya spas te Wentainel ta atojol.

 Ta Ucrania kʼaxem ta 129 mil testigoetik yuʼun Jehová. Jaʼ ya stʼunbeyik te ejemplo yuʼun Jesús sok maba ya schʼik sbaik ta política sok ta guerra, jich bitʼil ya spasik te Testigoetik ta swolol balumilal (Juan 18:36). Ta swolol balumilal, te testigoetik yuʼun Jehová yakik ta yalbeyel skʼoplal «te lec yachʼil cʼop yuʼun te cuentahinel yuʼun Dios» sok ya yakʼik ta naʼel te ya yichʼ lajinel te wokoliletik sok te guerraetike (Mateo 24:14). Ya kikʼatkotik yuʼun ya akʼopon jtul testigo yuʼun Jehová swenta ya anaʼbeyxan skʼoplal te mukʼul oʼtanil ya yakʼ te Bibliae.