Maba jtukelix la kaʼiy jba kʼalal la jta kamigotak | Ya xjuʼ ya skoltayat te Biblia
Ta jaʼbil 2023, ta swolol Balumilal kʼax mukʼ skʼoplal la yilik te ya skoltayik te machʼatik stukel ya yaʼiy sbaik. ¿Yanixbal xjuʼ skoltaybelik-a?
«Kʼax xiʼbantik sba ta skuxlejal te machʼa stukel ya yaʼiy sba sok te machʼa ma sjokin te yantike. Ay bintik ya xjuʼ ya jpastik ta jujun kʼajkʼal yuʼun lek ya kil jbatik sok te yantike» (Vivek Murthy, director general de Salud Pública de Estados Unidos). a
Ma puersauk te jtukeltik ayotik yuʼun jtukel ya kaʼiy jbatik. Ayniwan machʼa stukel ya yaʼiy sba manchukme bayal sjoʼtak. Ma jnaʼtik te bin yuʼun te jich ya kaʼiy bajtik pero ya skoltayotik te Biblia, jich bitʼil te yakuk jletik lekil kamigotaktik.
Te bintik-utʼil ya skoltayat te Biblia
Lekukme ya awil aba sok te yantike. Ya skʼan ya yal-abi te ma jaʼuknax ya awal te bin-utʼil ya awaʼiy aba, jaʼnix jich ya skʼan ya achʼam awaʼiy te bin ya yal te yane. Teme ya amel awoʼtan ta stojol, lektoxan ya awil aba sok.
Texto yuʼun te Biblia: «Mame atukeliknax ya ale awutsil alekilalik, jaʼme xa alebeyik yutsil slekil te yantike» (Filipenses 2:4).
Leaxan awamigotak. Pasa tulan yuʼun ya ale awamigotak te yanyantik yaʼbilalike o yanyantik slumalik sok stsʼumbalik.
Texto yuʼun te Biblia: «Jaʼnix jich jama te awoʼtanike» (2 Corintios 6:13).
Teme ya akʼan ya ata lekil awamigotak, kʼopona te artículo «Cómo saciar la sed de amistad».
a Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.
Yaniwan amulan-euk sk'oponel ini
JOJKʼOYELETIK TA SWENTA TE BIBLIA
¿Bin ya yal te Biblia ta swenta te sleel kamigotik?
Te lekik amigoetike ya skoltay sbaik yuʼun ya schʼitesik lekil taleliletik sok ya yakʼbey sba yip yoʼtanik. Lea ta lek te awamigotak.
LOKʼOMBAETIK TA PISARRON
¿Bin yilel te smelelil amigoe?
Machʼauk ya xjuʼ ya yal te jaʼ awamigoe. Jaʼukmeto ¿binix yilel-a ta smelelil amigoe?
TSOBLEJETIK
¿Bin ya yichʼ pasel ta tsoblejetik kuʼunkotik?
Baan ilawil te banti ya jtsob jbakotik sok te bin ya jpaskotik tey-ae.
NOJPTESEL YA YAKʼ TE BIBLIA
Ila bin yilel te nojptesel
Kʼana nojptesel ta Biblia te maba tojbil sok jtul testigo ya snojptesat.
