Ay jun estudio a te la yichʼ pasel ta swolol Balumilal: ta chantul ants winiketik, ay jtul te stukel ya yaʼiy sba.

•    «Bayal ants winiketik stukel ya yaʼiy sbaik, chikan teme ayix yaʼbilalik o maʼuk sok chikan banti ayik» (Chido Mpemba, copresidenta de la Comisión de la Organización Mundial de la Salud sobre Conexión Social).

 Ma jaʼuknax stukel ya yaʼiy sbaik te machʼayik ayix yaʼbilalik sok te machʼatik stukel ayik, jaʼnix jich ay stukel ya yaʼiy sbaik te jchʼieletik, te machʼatik maba stsakbilik ta chamel, te machʼatik nujpunemik sok te machʼatik leknax skuxlejalik. Te machʼatik stukel ya yaʼiy sbaik te ya xjuʼ ya xtsakotik ta tulan chamel sok ya xjuʼ ya x-utsʼinbot te spensarik

•    «Te machʼa stukel ya yaʼiy sba ma jaʼuknax te ma lek ya yaʼiy sba [...]. Te machʼa stukel ya yaʼiy sba jaʼ pajal sok te machʼa ya snukʼ 15 ta jchʼix cigarro ta jujun kʼajkʼal» (Vivek Murthy, director general de Salud Pública de Estados Unidos).

 Te Jpaswanej kuʼuntik ma skʼan te jtukel ya kaʼiy jbatik. Te Dios ya skʼan te ayuk kamigotaktik te ya jokin jbatik soke.

•    Texto yuʼun Biblia: «Jich la yal te Jehová Dios: ‹Ma lekuk te stukel ay te winike›» (Génesis 2:18).

 Te Dios ya skʼan te ya kamigointik. Yaloj ta jamal te ya xnoptsaj ta jtojoltik teme ya jpastik tulan te ya xnoptsajotik ta stojole (Santiago 4:8).

•    Texto yuʼun Biblia: «Tseʼelnaxme yoʼtanik te machʼatik ya snaʼik te ya skʼan ya sleik te koltayel yuʼun te Diose, melel yame yichʼik te Wentainel yuʼun te chʼulchane» (Mateo 5:3).

 Te Dios ya skʼan te ya jtsob jbatik ta yichʼel ta mukʼ sok yantik ants winiketik. Teme jich ya jpastik tseʼelnax koʼtantik ya kaʼiy jbatik.

•    Texto yuʼun Biblia: «Talel kʼaxel ayukme skʼoplal ta koʼtantik te yantik yuʼun jich ya jtijbey jba koʼtantik ta yakʼel ta ilel kʼuxul oʼtanil sok ta spasel lekil aʼteliletik, mame jkom jbatik ta stsobilanel jbatik [...]. Jaʼ lekxan te talel kʼaxel ya kakʼbey jba smukʼul koʼtantik» (Hebreos 10:24, 25).

 Teme ya akʼan ya anaʼxan bin yuʼun mukʼ skʼoplal te ya jpastik tulan te manchuk jtukel ya kaʼiy jbatik, kʼopona te articulo «Soledad en la era de la comunicación».