Ta 24 yuʼun mayo 2022 ay bin xiʼbantik sba kʼot ta pasel ta banti chʼin lum Uvalde (Texas, Estados Unidos). Te periódico The New York Times ya yal te ay «jtul winik te la smil 19 ta tul chʼin alaletik sok chaʼtul maestraetik [...] ta escuela primaria te Robb sbiile».

 Mel-oʼtantik sba te bayal jich yak ta kʼoel ta pasele. Te periódico USA Today la yal te jaʼnax ta Estados Unidos «ayin 249 tujkʼaywanej ta escuelaetik te kʼax tal jaʼbile, maʼyuk jich kʼaxto kʼoem ta pasel jaʼto tal ta jaʼbil 1970».

 ¿Bin yuʼun te ya xkʼot ta pasel te bin kʼax xiʼbantik sbae? ¿Bin-utʼil ya xjuʼ ya xkujch kuʼuntik te wokolil ya yakʼ te bin kʼax xiʼbantik sba ya xkʼot ta pasele? ¿Aybal jun razón yuʼun ya jchʼuuntik te ya sta yorail te ya xlaj skʼoplal te utsʼinwaneje? Te Biblia ya yakʼbey sujtib.

•    Te Biblia ya yakʼbey sbiilin «slajibal cʼahcʼal» te tiempo te ayotik ta kuxinele, jaʼ te tiempo te banti «mayuc scʼuxul yoʼtanic» te ants winiketik sok kʼaxto ya x-utsʼinwanik; jich yuʼun te ants winiketik kʼax chopol yoʼtanik sok jichik te bin-utʼil jtiʼawal chambalametik. Te machʼatik jich stalelik-abi «behbe [ta] bohlobelic stuquel» (2 Timoteo 3:1-5, 13). Teme ya akʼan ya anaʼbeyxan skʼoplal, kʼopona te artículo «¿Predijo la Biblia cómo sería la gente en nuestros días?».

 Bayal ants winiketik ya sjojkʼoybey sba te bin yuʼun maʼyuk bin ya spas te Dios te kʼalal ay bin ya xkʼot ta pasel te kʼax xiʼbantik sba. Jich bitʼil te tujkʼaywanej ta escuelaetik. Swenta ya anaʼbeyxan skʼoplal te bin ya yal te Biblia, kʼopona te artículo «¿Por qué le pasan cosas malas a la gente buena?».

•    «Spisil te bintic tsʼihbabil ta nahil, scuenta jpʼijubteseltic te la yichʼ tsʼihbayel, scuenta yuʼun ay [...] yip coʼtantic ya jtahtic yuʼun te bin tsʼihbabile» (Romanos 15:4).

 Te tojobteseletik ya yakʼ te Biblia jaʼme ya skoltayat yuʼun ya xjuʼ ya asitintay te wokoliletik te ya yakʼ te bitʼil nojelix ta utsʼinwanej te Balumilale. Teme ya akʼan ya anaʼbeyxan skʼoplal ta swenta ini, kʼopona te revista ¡Despertad! te jich sbiile «¿Acabará algún día la violencia?».

 Te alaletik ya xiwik te kʼalal ya yilik o ya yaʼiyik stojol ta noticiaetik te ay bintik xiʼbantik sba kʼot ta pasel. Teme jaʼat meʼil tatilat sok ya akʼan ya anaʼ bin-utʼil ya akoltay te awal anichʼnab ta yichʼbeyel swentail te noticiaetik, kʼopona te artículo «El efecto de las noticias en los niños».

•    «Ya me scoltaylan ta wocol soc ta utsʼinel» (Salmo 72:14).

•    «Ya scʼatpʼunic ta azadonetic te espadahetic yuʼunic, soc ta hocetic te slanzahique. Mayuc nación te ya shach espada ta scontrahinel yan nación, ma ba ya snopiquix bin utʼil ya yaqʼuic guerra» (Miqueas 4:3).

 Te Dios ay bin ya xbajt spas te ma xjuʼ yuʼun spasel stukel te ants winiketik ta Balumilale. Te Wentainel yuʼun te ay ta chʼulchan, te jaʼ jun gobierno, yame xbajt slajin spisil te aʼtejibaletik yuʼun milaw sok yame slajinbey skʼoplal te utsʼinwaneje. Teme ya akʼan ya anaʼbeyxan skʼoplal ta swenta te bin ya xbajt spas te Wentainel yuʼun te Diose, kʼopona te artículo «Ya xbajtʼ yakʼ bayal lamalkʼinal te Wentainel yuʼun Dios».