¡WIKʼILUK JSITIK SPISIL-ORA!

Tulan nijkel ta Turquía sok ta Siria | ¿Bin ya yal te Biblia?

TSUMA TA

Te bin yachʼil la yichʼ alel ta 10 yuʼun febrero 2023

Ta jueves 9 yuʼun febrero 2023, te machʼatik lajik ta Turquía sok ta Siria ta skaj te tulan nijkel, kʼaxix ta 20 mil ta tul. Bayal ta mil ants winiketik ejchenajik jilel sok laj te snaike.

Te testigoetik yuʼun Jehová la schajpanik cheb comiteetik yuʼun Socorro yuʼun ya skoltayik te machʼatik ayik ta wokol sok te machʼatik tenbilik jilel ta skaj te tulan nijkel (Gálatas 6:10). Chaʼoxtul representanteetik yuʼun Betel kʼotik ta yan kʼajkʼal, manchukme bayal sik sok te wokol ya xkʼotik tey-a (1 Pedro 5:2). Yame yichʼ achʼubtesel te bin yakik ta spasel te hermanoetik te ya xkoltaywanik ta yorail wokol, ta sección «Noticia».

Te Biblia jich ya yalbotik ta jamal: «Te Jehová nopol ay ta stojol te machʼatic ayic ta mel-oʼtan, soc ya scoltay te machʼatic pichʼil yoʼtanique» (Salmo 34:18). Te Biblia ya yakʼ lekil consejoetik te ya skoltayotik ta sitintayel te wokoliletik ya xkʼax ta ora ini.

Ta video Te kʼalal ay machʼa ya xlaj kuʼuntik, ya yalbotik te bin ya xjuʼ ya spas te machʼatik ay machʼa lajem yuʼunike.
Ta artículo «Ayude a sus hijos a asimilar las noticias tan impactantes de los medios» te jaʼex meʼil tatiletik, yame ataik mantaliletik ta Biblia te ya skoltay te awal anichʼnabik yuʼun ma x-utsʼinotik yuʼun te noticiaetik te ya xkʼax ta swenta te wokoliletike.

Ta lunes 6 yuʼun febrero 2023, kʼax tulan nijkel ta Turquía sok ta Siria.

«Ta skaj te tulan nijkel, kʼaxem ta 3.700 ta tul ants winiketik lajik ta Turquía sok ta noroeste yuʼun Siria. Jaʼnix jich bayal sik, sok jaʼ-abi ya yakʼbey swokol te bayal ta mil ants winiketik ta ejchenajik jilel sok te jin te snaike. Sok ta skaj te sik, wokol ta tael te machʼatik kuxulikto jilel yuʼun te tulan nijkele» (Reuters, 6 yuʼun febrero 2023).

Bayal ya jmel koʼtantik yuʼun te yak ta kʼaxel wokoliletik jich bitʼil ini. Te kʼalal jich ya xkʼot ta pasele, ya xjuʼ ya jkʼanbeytik koltayel te Jehová, a «te Dios te ya yakʼ smukʼul kʼinal kaʼiytik» (2 Corintios 1:3). Bayal bin ya spas ta jtojoltik swenta «ay bin ya jmaliytik [...] sok te smukʼul koʼtantik te ya yakʼbotik te sJun Diose» (Romanos 15:4).

Te Biblia ya yakʼ jnoptik ini: