Te ants winiketik te ochemik ta jun banda bayal bin chopol la spasik ta Haití. Te j-utsʼinwanejetik pʼolem ta Sudáfrica sok ta México, jaʼnix jich ta yantik lumetik yuʼun América Latina. Ay lugaretik banti maʼyuk lek j-utsʼinwanejetik pero ayto xiʼel ta yoʼtan te ants winiketik, melel ya xiʼik te ya yichʼik pojbeyel, elkʼanbeyel o lajinbeyel skʼoplal te bin ay yuʼunike.

 ¿Bin ya yal te Biblia ta swenta te yak ta pʼolel te utsʼinwanej ta swolol Balumilal?

 Te Biblia la yal te utsʼinwanej sok te bin chopol ya yakʼ ta ilel te nopolix te slajibal kʼajkʼal (Mateo 24:3). Te Jesucristo la yalbey skʼoplal te señailetik, jich la yal:

•    «Ta skaj te ya xpʼol te bintik ma lek ta pasele, jteb ma spisiluk te ants winiketik yame xpejkʼaj te skʼuxul yoʼtanike» (Mateo 24:12).

 Te Biblia jaʼnix jich ya yal te bin yilel stalel te ants winiketik «te kʼalal nopolix-a te slajibal kʼajkʼale», jich la yal: «Ma snaʼik skomel sbaik, kʼaxto ya x-utsʼinwanik, maʼyuk skʼoplal ta yoʼtanik te bin leke» (2 Timoteo 3:1-5). Te chopol taleliletik-abi ya yakʼ te maʼyuk skʼoplal ta yoʼtanik te mantaliletik te ants winiketike.

 Pero ma tey laj skʼoplal-a. Te Biblia ya sjapbotik te nopol ya xlaj skʼoplal te bin chopol sok te utsʼinwanej.

•    «Nopol ya xchʼay bahel te machʼa chopol; yac ale, pero ma ba tey ayix a. Yan te machʼatic manso yoʼtanic ya me yichʼic hilel te qʼuinal soc ya me smulanic bayel lamal qʼuinal» (Salmo 37:10, 11).

 ¿Binxan ya yal te Biblia ta swenta te bin ya jmaliytik ta pajel chaʼbej? ¿Bin yuʼun ya xjuʼ ya smukʼulin awoʼtan te spisil te bin yak ta kʼoel ta pasel ta kʼajkʼal ini ya skʼotes ta pasel jun albilkʼop? Ila ta articuloetik ini:

 «Ya jmaliytik jun lekil kuxlejalil ta pajel chaʼbej»

 «¿Bin señail ya yakʼ ta ilel te ayotikix ta «slajibal cʼahcʼal»?»

 «¿Predijo la Biblia cómo sería la gente en nuestros días?»