¡WIKʼILUK JSITIK SPISIL-ORA!

Bayal wokoliletik kʼax ta 2022 | ¿Bin ya yal te Biblia?

TSUMA TA

Ta jaʼbil 2022, jaʼ bayalxan la yalbey skʼoplal te noticiaetik ta swenta te guerraetik, te maʼyuk takʼin sok te bintik ya xkʼax ta Balumilal te bayal bintik ya sjin jilel. Jaʼnax te Biblia ya yalbey skʼoplal te bin yuʼun jich kʼot ta pasele.

¿Bin yuʼun te bayal wokolil kʼax ta 2022?

Te bin kʼot ta pasel te jaʼbil 2022 ya yakʼ ta naʼel te yakotikix ta kuxinel ta nopol slajibal kʼajkʼal (2 Timoteo 3:1) Te bin-ora jajch tale jaʼ ta jaʼbil 1914. Te bin achʼtonax kʼot ta pasel yalojix-a te Biblia te jich ya xkʼot pasele. Kiltik chaʼoxchajpuk:

«Guerraetik» (Mateo 24:6).

«Ta jaʼbil 2022, te machʼatik nainemik ta Europa la yilik yan buelta te wokolil ya yakʼ te guerrae». a

Ilawil te artículo «Te Rusia ya yochintay te Ucrania».

«Tulan wiʼnal» (Mateo 24:7).

«Ta 2022 ayin tulan wiʼnal». b

Ilawil te artículo «Ta skaj te Guerra ta Ucrania yak ta batsʼejel te wiʼnal ta swolol Balumilal».

«Tulan chamel ta bayuk» (Lucas 21:11).

«Te bitʼil chiknaj yan buelta te chamel te sbiilinoj viruela del mono sok te COVID-19 yak ta smilel bayal ants winiketik. Te chameletik ini ya yakʼ ta ilel te bayal xmilawan sok te oranax ya xjuʼ ya stsakot te ants winiketik». c

Ilawil te artículo «Wakeb millón lajemik ta skaj te COVID».

«Yame xchiknaj bintik xiʼbantik sba» (Lucas 21:11).

«Ta yorail jaʼal ta 2022 la yichʼ naʼel te bayal jelon te bintik ya xkʼax Balumilal sok te bayal wokolil la yakʼe. Toy skʼuxul te kʼajkʼal, ma la yakʼ jaʼal, kʼajkʼ te la schikʼ teʼetik o naetik sok te snojel jaʼetik. Ta swenta-abi bayal ta mil ants winiketik lajik yuʼun sok bayal millón ta tul te maʼyuk jilel snaike». d

Ilawil te artículo «Ta swolol Balumilal yak ta toyel te skʼuxul kʼajkʼale».

«Jachkʼopetik» (Lucas 21:9).

«Ta 2022 bayal ilinik te ants winiketik ta skaj te maʼyuk lek takʼin sok te mo stojol spisil te biluketik, jaʼ yuʼun la spasik marcha ta stojol te ajwaliletik». e

Ilawil te artículo «Mo stojol spisil te biluketik ta swolol Balumilal».

¿Binwan ya xkʼot ta pasel te jaʼbil ya xtale?

Maʼyuk machʼa ya snaʼ te bin ya xkʼot ta pasel ta 2023. Te bin ya jnaʼtik jaʼ te Wentainel yuʼun Dios bayal bintik ya xbajt sjelontes ta Balumilal (Daniel 2:44). Te Wentainel-abi yame xbajt slajinbey skʼoplal te wokolil ya xkʼax ta stojol te ants winiketik sok jaʼme ya skʼotes ta pasel te skʼanojel yoʼtan Dios ta swenta te Balumilal (Mateo 6:9, 10).

Yame jtijbeyex awoʼtanik te yakuk achʼuunik te bin la yal te Jesús te kʼalal la yal, «wikʼilukme asitik ta spisil-ora» sok te ya awil te bintik yak ta kʼoel ta pasel ta swolol Balumilal jaʼ ta swenta te yak ta kʼoel ta pasel te albilkʼopetik ay ta Biblia (Marcos 13:37). Teme ya akʼan ya anaʼxan te bin-utʼil ya xjuʼ ya skoltayat te bin ya yal te Biblia sok te bin lekilal ya xjuʼ ya ata sok te afamilia ta pajel chaʼbej, kʼopojan sok jtul testigo yuʼun Jehová.

a Jill Lawless: “2022 Was Year the Horror of War Returned to Europe,” AP News, 8 yuʼun diciembre 2022.

b «Tulan wokolil ta swenta te maʼyuk weʼelil, Programa Mundial de Alimentos.

c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 yuʼun septiembre 2022.

d Martina Igini: “Whatʼs Behind the Record-Breaking Extreme Weather Events of Summer 2022?”, Earth.Org. 24 de octubre de 2022.

e Thomas Carothers sok Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 yuʼun diciembre 2022.