«Bayal wokolil ya xkʼax ta stojol te ants winiketik, te lumetik sok te bintik kuxajtik ta skaj te yak ta jelonel te kʼinale. Te tulan yikʼal jaʼal kʼax tulan ya yakʼ, sok ya slajin jilel spisil te bin ay yuʼun te ants winiketike. Yak ta kʼixnajel te maretik, jaʼ yuʼun bayal chambalametik ya xjuʼ ya xlajik» (Inger Andersen, secretaria general adjunta de las Naciones Unidas sok directora ejecutiva del Programa de las Naciones Unidas para el Medio Ambiente, 25 yuʼun julio 2023).

 ¿Yabal schap skʼopik te ajwaliletik yuʼun ya slajinik te bin yak ta yutsʼinel te Balumilale? ¿Aybal bin ya xjuʼ yuʼunik spasel te ya slajin te wokolil-abi?

 Te Biblia ya yalbey skʼoplal jun gobierno te ya xjuʼ ya schajpan sok ya xbajt schajpan te wokoliletik ya yakʼ te jelonemix te lumkʼinale. Ya yal «te Dios ta chʼulchan ya me shach jchahp ban cʼalal ya scuentahin jtuhl ajwalil» te ya xbajt swentain te Balumilal (Daniel 2:44). Kʼalal jich ya xkʼot ta pasel, te ants winik «ma ba ya xʼutsʼinwan soc ma ba ya xlajinwan» maba ya yutsʼinix sbaik sok maba ya sjinikix te Balumilal (Isaías 11:9).