CAMPAÑA ESPECIAL
Ajwaliletik te ya xloʼlaywanik | ¿Bin ya xbajt spas te Wentainel yuʼun te Diose?
Te ants winiketik ya skʼan ajwaliletik te ya xjuʼ ya yakʼ smukʼul yoʼtanik ta stojolik sok ma skʼanikix ajwaliletik te ya x-elkʼajike. Jun encuesta te la yichʼ pasel ta swolol Balumilal te la yichʼ pukel ta 2023 tey la yalbey skʼoplal-a te maʼyukix lek smukʼul yoʼtanik te ants winiketik ta stojol te ajwaliletike. a
Te Biblia ya yalbey skʼoplal jun gobierno te jkʼaxel ya xjuʼ ya smukʼulin koʼtantik te jwolwanej yuʼun, melel ma x-elkʼaj sok ma xloʼlaywan. Te gobierno-abi jaʼ te Wentainel yuʼun te Diose sok jaʼ jwolwanej yuʼun te Jesucristo (Isaías 9:7).
Te Jesús yakʼoj ta ilel te yuʼun-nix ay skʼoplal ta yoʼtan-a te ants winiketike (Mateo 9:35, 36). Jich bitʼil te jaʼ Ajwalil yuʼun te Wentainel yuʼun te Diose, stojilme ya xchajpanwan sok yame yakʼbey lamalkʼinal spisil te machʼatik ya yakʼ sbaik ta wentainel yuʼune (Salmo 72:12-14).
a 2023 Edelman Trust Barometer Global Report.