Te ayix tal 30 jaʼbil bayal ants winiketik ya yalik te maʼyuk bayal kʼopetik ta swolol Balumilal, sok te yak ta lekubel skuxlejal te ants winiketik. Pero ta ora ini yak ta jelonel, jich bitʼil ya yakʼ ta naʼel te noticiaetik.

•   «Bayal machʼatik ayik ta xiwel ta skaj te guerra te ay ta Gaza, ya skuyik te ya xmukʼub bael, melel te Israel sok te Hizbulá yakikix ta stsakbel sbaik ta frontera yuʼun Líbano» (Reuters, 6 yuʼun enero 2024).

•   «Te Irán ya skʼan ya sjach yan guerra ta yantik lumetik, ta ora ini yak ta koltayel yuʼun te Rusia sok China. Ay grupoetik te swentainoj te Irán yakik ta sjachel kʼop ta yantik lugaretik. Ta repentenax te Irán la sjach yan buelta te programa yuʼun ya spasik bomba nuclear» (The New York Times, 7 yuʼun enero 2024).

•   «Te bitʼil ma xkom ta yakʼel guerra te Rusia, yak ta yakʼel bayal wokolil ta Ucrania» (UN News, 11 yuʼun enero 2024).

•   «Te bitʼil bayalix stakʼin te China sok te bayalix yip ta yakʼel guerra, te bitʼil bayal ya stoy sba te Taiwán, jaʼnix te bitʼil ya skontrain sbaik te China sok Estados Unidos, maba wokol ya yilik te oranax ya sjachik jun guerra» (The Japan Times, 9 yuʼun enero 2024).

 ¿Aybal bin ya yal te Biblia ta swenta te bin yak ta kʼoel ta pasel ta swolol Balumilal? ¿Yabal x-ayin yan guerra mundial?

 Te Biblia maba ya yal ta jamal ta swenta te guerraetik te yakotik ta yilel ta ora ini. Pero ya yalbey skʼoplal bayal ta chajp kʼopetik te maba ya yakʼ te ya x-ayin «lamalkʼinal ta balumilal» (Apocalipsis 6:4).

 Te libro yuʼun Daniel ya yalbey skʼoplal te kʼalal ya xkʼot yorail te slajibal kʼajkʼal ya spasik guerra te nacionetik te ay yipik, sok te ya yakʼik ta ilel te ay yipik ta yakʼel guerra sok te ya slajinik bayal takʼin (Daniel 11:40, 42, 43).

 Te Biblia ya yal te ya xbatsʼejxan te wokoliletik. Te Jesucristo la yal: «Yame xtal tulan wokolil te maʼyuk jich kʼoem ta pasel kʼalalto tal ta sjajchibal te balumilale sok maʼyuk bin-ora jich ya xkʼotxan ta pasel ta patil» (Mateo 24:21). Te «tulan wokolil» ya yale ya xlaj skʼoplal ta jun guerra te Armagedón sbiil, jaʼ jun «guerra ta smukʼul kʼajkʼalel te Diose, te Machʼa spisil ya xjuʼ yuʼune» (Apocalipsis 16:14, 16).

 Te Armagedón ya skoltay te ants winiketik ma yuʼunuk ya slajin. Ta guerra-abi, te Dios ya slajin spisil te ajwaliletik ta balumilal, te jaʼ ay ta swentaik te guerraetik ta ora ini. Teme ya akʼan ya anaʼ bin-utʼil ya yakʼ talel lamalkʼinal te Armagedón, kʼopona te articuloetik ini:

•   «¿Bin-a te Armagedón?»

•   «Te Armagedón jaʼ jun lekil notisia»