Sbabial carta yuʼun Juan 1:1-10
1 Te machʼa ay ta sjajchibal te la kaʼiybeytik skʼop, te machʼa la kiltik sok jsitik, te machʼa la kiltik ta lek sok te joʼotiknix la jpiktik ta jkʼabtik te kʼopil yuʼun kuxlejalil
2 (jich, chiknaj te kuxlejalil, joʼotiknix la kiltik sok yakotik ta yalbeyel skʼoplal sok ya kalbeyexkotik awaʼiyik te kuxlejalil ta sbajtelkʼinal te sjokinoj-a te Tatil sok te chiknaj ta jtojolkotike),
3 te bin kaʼiyojtik sok te bin kilojtik ta stojole, jaʼnix jich yakotik ta yalel ta atojolik-euk, yuʼun jich jun-nax ayex sok te joʼonkotike. Jich bitʼil jun-nax ayotik sok te Tatil sok te sNichʼan, jaʼ te Jesucristo.
4 La jtsʼibaybeyexkotik ini yuʼun jich tsʼakal ya xkʼot te stseʼelil koʼtantike.
5 Jaʼ ini jaʼ te bin la kaʼiykotik ta stojole sok te yakotik ta yalel ta atojolike: jaʼ sakal kʼinal te Diose sok jkʼaxel maʼyuk ijkʼal kʼinal ta stojol.
6 Teme ya kaltik «Jun ayotik sok», pero teme yakotik ta beel ta ijkʼal kʼinal, yakotik ta spasel lot sok maba yakotik ta spasel te bin ya yal te smelelil kʼope.
7 Pero, teme yakotik ta beel ta sakal kʼinal jichnix te bitʼil ay ta sakal kʼinal stukel, talel kʼaxel jun-nax ayotik, sok ya spokbotik lokʼel spisil jmultik te schʼichʼel te sNichʼan, jaʼ te Jesuse.
8 Teme ya kaltik «Maʼyuk jmultik», joʼotiknix ya jloʼlay jbatik ta jtukeltik, maba ay ta koʼtantik te smelelil kʼope.
9 Teme ya kaltik ta jamal te jmultike, ya spasbotik perdón yuʼun te jmultik sok ya spokbotik lokʼel spisil te bintik ma stojiluk ta pasel, melel jun yoʼtan sok toj yoʼtan stukel.
10 Teme ya kaltik «Maʼyuk jpasojtik mulil», jaʼ jpaslot ya xkʼot kuʼuntik sok maʼyuk ta koʼtantik te skʼope.
