2 Samuel 23:1-39
23 Jich la yal ta slajibal te David:
«Jich la yal te David snichʼan Jesé,jich la yal te winik te la yichʼ toyesbeyel skʼoplal,te machʼa tsabil yuʼun te Dios yuʼun Jacobsok te machʼa tʼujbil ya xkʼayojin ta Israel.
2 Kʼopoj ta jtojol te espíritu yuʼun te Jehová;la yakʼbon ta ke te bin ya skʼan ya kale.
3 Kʼopoj te Dios yuʼun Israel,jich la yalbon te Mukʼul Ton yuʼun Israel:
‹Teme toj te bin ya spas te machʼa ya swentain te ants winiketiksok teme xiʼoj* Dios te kʼalal ya xwentainwane,
4 jaʼ jich ya xkʼot te bin-utʼil sakal kʼinal ta sab te kʼalal ya xlokʼ tal te kʼajkʼal,jich te bin-utʼil sakubel kʼinal te kʼalal maʼyuk tokal.
Jaʼ jich ya xkʼot te bin-utʼil xojobil kʼajkʼal te kʼalal kʼaxix-a te jaʼal,te ya yakʼ xchʼi te jaʼmal ta lumkʼinal›.
5 ¿Mabal jichuk ay te jna ta stojol te Diose?
Melel la spas jun chapbilkʼop sok joʼon ta sbajtelkʼinal,chapal ta lek sok ya xkʼot ta pasel.
Te chapbilkʼop-abi jaʼ ya yakʼbon jkolel sok jkʼaxel ya jmulan,¿mabal jaʼuk ya yakʼ xnichin te jna-abi?
6 Pero, te ants winiketik te ma xtuunik jich ya yichʼik chʼojel bael te bin-utʼil jpejt* chʼix,te maʼyuk machʼa ya xjuʼ ya stsak.
7 Teme ay jtul winik ya skʼan ya stsak te steʼel te chʼixe,ya skʼan chapal sok yaʼtejib te pasbil ta hierro sok jchʼix steʼel lanza,sok yame skʼan ya yichʼ chikʼel teynix te banti chʼiemike».
8 Te sbiil te swiniktak te David te ay yipik ta yakʼel guerra, jaʼik ini: te Joseb-Basébet, te tahkemonita-winik, jaʼ jolal yuʼun te oxtul winiketik te ay yipik ta yakʼel guerra. Ta jun buelta la smil 800 ta tul winiketik sok te slanza.
9 Te yane jaʼ te Eleazar snichʼan Dodó, snichʼan Ahohí. Jaʼ jtul ta yoxtulul te ay yipik ta yakʼel guerra te sjokinojik-a te David te kʼalal la stijbeyik slab yoʼtan te filisteoetik ta yakʼbeyel guerra. Tey stsoboj sbaik-a te filisteoetik yuʼun ya yakʼik guerra, pero te kʼalal sujt ta spatik te winiketik yuʼun Israel,
10 te Eleazar maba la stij sba ta slugar stukel, la smil bayal filisteoetik jaʼto te kʼalal lujb te skʼab, teʼuben jilel te skʼab ta skaj te jal stsakoj te yespadae. Te Jehová la yakʼ tsalawanik ta kʼajkʼal-abi; te soldadoetik te ayik bael ta spat te Eleazar yakik ta spojbeyel sbilukik te machʼatik lajemikixe.
11 Te yane jaʼ te Samá snichʼan Agué te hararita-winik. Te kʼalal la stsob sbaik te filisteoetik ta Lehí ta jpam kʼinal te tsʼunbil lenteja tey-a, te soldadoetik lokʼik bael ta anel ta stojol te filisteoetik.
12 Pero, te Samá maba la stij sba ta yolil te kʼinal yuʼun ma xyichʼ pojel-a, jich yuʼun la smil bayal filisteoetik. Jich la yaʼiy mukʼul tsalaw te Jehová.
13 Te 30 ta tul jolaletik te ayike, oxtul bajt yilik te David ta chʼen yuʼun Adulam te kʼalal jaʼ yorail te ya stsobeyik sit te awal tsʼunubile. Jtsojb soldadoetik yuʼun te filisteoetik spasoj scampamentoik ta spamlej yuʼun Refaím.
14 Te David snakʼoj sba ta yutil chʼen sok spasoj scampamentoik jtsojb soldadoetik yuʼun te filisteoetik ta Belén.
15 Te David la yal te bin ay ta yoʼtane: «¡Te ayuklaj bitʼil ya xjuʼ ya kuchʼbey jtebuk yaʼlel te pozo te ay ta stsʼeel te yochibal te Belén!».
16 Jaʼ yuʼun, te oxtul winiketik te ay yipik ta yakʼel guerra la yochintayik kʼaxel te scampamento te filisteoetik, la slokʼesik tal jaʼ ta pozo te ay ta stsʼeel te yochibal te Belén, jich la yichʼbeyik bael te David. Pero, te David ma la skʼan la yuchʼ, la smal ta stojol te Jehová.
17 Te David jich la yal: «¡Kajwal, Jehová, maʼyuk bin-ora jich ya jpas ini! ¿Yabal kuchʼbey te schʼichʼel te winiketik ini te la yakʼik ta wokol te skuxlejalike?». Jich yuʼun ma la skʼan la yuchʼ. Jaʼ te bin la spasik te oxtul winiketik yuʼun te David te ay yipik ta yakʼel guerra.
18 Te Abisái sbankil te Joab te yal Zeruyá jaʼ jolal yuʼun yan oxtul winiketik. La smil 300 ta tul winiketik sok te slanza, sok naʼbil sba ta lek jich bitʼil te oxtulike.
19 Ta yoxtulul te winiketik ini, jaʼ naʼbilxan sba te Abisái sok jaʼ jolal yuʼunik, pero maba la spaj te yantikxan oxtulike.
20 Te Benaya snichʼan Jehoiadá jaʼ jtul winik te ma xiw yoʼtan* te bayal bintik chajpnax la spas ta Cabzeel. La smil te chaʼtul snichʼnab te Ariel te talem ta Moab, ta jun buelta och bael ta yutil pozo te kʼalal jaʼ yorail-a te ya xko te meʼsik o toyiw, tey la smil jkojt león-choj-a.
21 Jaʼnix jich la smil jtul najtil egipcio-winik. Jaʼnax yichʼoj jchʼix teʼ, yan stukel te egipcio-winik yichʼoj ta skʼab jchʼix lanza. Manchukme jich-abi, la stsak sba sok te egipcio-winik, la spojbey te slanza sok jaʼnix la smil sok-a.
22 Jaʼik ini te bintik la spas te Benaya snichʼan Jehoiadá, jaʼnix jich naʼbil sba ta lek jich bitʼil te oxtul winiketik te ay yipik ta yakʼel guerra.
23 Manchukme jaʼ ichʼbilxan ta mukʼ-a te bitʼil yantikxan 30 ta tule, maba la spaj te yantikxan oxtulike. Pero, te David jaʼ la yakʼ te Benaya ta jwolwanej yuʼun te jkananetik yuʼune.
24 Te Asahel, te yijtsʼin Joab, tey ajtaybil-a te banti 30 ta tul winiketik, jaʼnix jich tey ajtaybil te Elhanán snichʼan Dodó te talem ta Belén,
25 Samá te harodita-winik, Elicá te harodita-winik,
26 Hélez te paltita-winik, te Irá snichʼan Iqués te tecoíta-winik,
27 Abí-Ézer te anatotita-winik, Mebunái te husatita-winik,
28 Zalmón te ahohíta-winik, Maharái te netofatita-winik,
29 te Héleb snichʼan Baaná te netofatita-winik, te Ittái snichʼan Ribái te talem ta Guibeá te ay ta skʼinal Benjamín,
30 Benaya —te jaʼ jtul piratonita-winik—, Hidái te talem ta be jaʼetik yuʼun Gaas,
31 Abí-Albón te arbatita-winik, Azmávet te bar-humita-winik,
32 Eliahbá te saalbonita-winik, te snichʼnab Jasén, te Jonatán,
33 Samá te hararita-winik, te Ahiam snichʼan Sarar te hararita-winik,
34 te Elifélet —te snichʼan Ahasbái, snichʼan te maacatita-winik—, te Eliam snichʼan Ahitofel te guilonita-winik,
35 Hezró te talem ta Carmelo, Paarái te arbita-winik,
36 te Igal snichʼan Natán te talem ta Zobá, Baní te gadita-winik,
37 Zélec te ammonita-winik, Naharái te beerotita-winik, jaʼ te machʼa ya xkuchbot yaʼtejib yuʼun guerra te Joab te yal Zeruyá,
38 Irá te itrita-winik, Gareb te itrita-winik
39 sok te Urías te hitita-winik; ta spisil jaʼ 37 ta tul winiketik.
