Jonás 2:1-10
2 Jich yuʼun, te Jonás kʼalalto ta schʼujt te mukʼul chay la skʼopon te Jehová te Dios yuʼune,
2 jich la yal:
«Kʼax bayal ayon ta wokol-a te la jkʼoponat, Jehová, la awaʼiybon te jkʼope.
La jkʼanbat koltayel kʼalalto ta skʼubulil te Mukenal.*
Jaʼat la awaʼiybon te jkʼope.
3 Te kʼalal la achʼojon koel ta skʼubulil te mar,la spotson te yipe.
Spisil kʼax ta jba te yip sbul te mar te la awakʼ tale.
4 Sok jich la kal: ‹¡Namal* la kichʼix akʼel bael ta atojol!
¿Bin-ora ya kilxan te chʼul templo awuʼune?›.
5 La spotson te yip te jaʼe sok kʼan lajukon yuʼun;la sjoytayon te skʼubulil te mar.
La schuktiklan sba ta jol te yaʼmalel* te mare.
6 Kʼubon ochel kʼalalto te banti stsakoj yip te witstikil.
Te lumkʼinal la smak te tiʼnailetik yuʼune sok tey k’an smakon jilel ta sbajtelkʼinal-a.
Pero, jaʼat, Jehová, Dios kuʼun, la alokʼeson tal ta mukenal.
7 Te kʼalal ya xlajonix ya kaʼiy-ae, julat ta koʼtan, Jehová.
Jich kʼot ta atojol te jkʼope, ta chʼul templo awuʼun.
8 Te machʼatik ya yichʼik ta mukʼ te lokʼombaetik te jkʼaxel ma xtuunike ya yijkitayik te Dios te ya yakʼ ta ilel te kʼuxul oʼtanil te ma x-ijkitaywan.*
9 Yan te joʼone ya kalbat wokol sok ya kakʼbat milbil majtaniletik.
Ya xkʼot ta pasel kuʼun te bin jamal kaloj ta atojole.
Te kolele talem ta atojol, Jehová».
10 Jich yuʼun, te Jehová la yalbey mantal te mukʼul chay te akʼa xejtay lokʼel te Jonás ta lumkʼinal.
Notaetik
^ Ta yantik variante «Jakal», «Kʼubul».
^ Ta yantik variante «swamalel».
^ O jaʼniwan ya skʼan ya yal «maba junix yoʼtanik».
