Jonás 4:1-11

  • Te Jonás kʼax bayal ilin sok la skʼan te yakuk xlaj (1-3)

  • Te Jehová la yakʼbey snop te Jonás te ya skʼan ya snaʼbey yoʼbolil sba te yantike (4-11)

    • «¿Yuʼun-nixbal ay swentail-a te kʼax ilinemate?» (4)

    • Te bin ya yakʼ ta nopel te bin kʼot ta pasel ta stojol te schʼoxal o yakʼul te tsu (6-10)

4  Pero, te Jonás kʼax ma lek la yil te bin la spas te Diose sok kʼax bayal ilin yuʼun. 2  Jaʼ yuʼun, jich la skʼopon te Jehová: «Jehová, te kʼalal ayonto ta jlumal-ae, jnaʼojix-a te jich ya xkʼot ta pasel ini. Jaʼ yuʼun boon ta anel ta Tarsis, melel jnaʼoj te jaʼat Diosat te ay yutsil awoʼtan, te ya anaʼ yoʼbolil jbatik, te ma x-ilinat ta ora, te ya awakʼ ta ilel te kʼuxul oʼtanil te ma x-ijkitaywan sok te ya asujtes akʼop ta yakʼbeyel castigo te machʼatik chopolike.* 3  Jaʼ yuʼun, Jehová, awokoluk, lajinbon te jkuxlejal; ma jkʼanix te kuxulone, jaʼ lek te yakuk xlajone». 4  Jich jojkʼoybot yuʼun te Jehová: «¿Yuʼun-nixbal ay swentail-a te kʼax ilinemate?». 5  Jich yuʼun, te Jonás lokʼ bael ta Nínive, bajt snajkan sba ta stojol te banti ya xlokʼ tal kʼajkʼal. Tey la spas yaxib na-a sok la snajkan sba ta yaxinal yuʼun ya yil te bin ya xkʼot ta stojol te mukʼul lume. 6  Jich yuʼun, te Jehová Dios la yakʼ chʼiuk schʼoxal o yak’ul tsu* swenta ya yakʼbey yaxinal te Jonás yuʼun jich ya xlekub kʼinal ya yaʼiy-a. Te Jonás kʼax tseʼel yoʼtan yuʼun te chʼi tal te schʼoxal o yakʼul te tsue. 7  Pero, ta sakubel kʼinal ta yan kʼajkʼal, te smelelil Dios* la yakʼ ochuk schanul te schʼoxal o yakʼul te tsue,* jich takij. 8  Te kʼalal lokʼ tal te kʼajkʼal, te Dios jaʼnix jich la yakʼ taluk kʼixin ikʼ ta stojol slokʼib kʼajkʼal, jich te Jonás kʼax tulan chikʼot yuʼun te kʼajkʼal te jtebxanix ma xchʼay kʼinal ya yaʼiy yuʼune. Maba la skom sba ta skʼanel slajel, jich yak ta yalel-a: «Ma jkʼanix te kuxulone, jaʼ lek te yakuk xlajone». 9  Te Dios jich la sjojkʼoybey te Jonás: «¿Yuʼun-nixbal ay swentail-a te kʼax ilinemat ta skaj te takij te schʼoxal o yakʼul te tsue?».* Jich la yal te Jonás: «Ay, ay swentail te bin yuʼun kʼax ilinemone; kʼax ilinemon te ya jkʼan ya xlajon». 10  Pero, jich albot yuʼun te Jehová: «La anaʼbey yoʼbolil sba te takij te schʼoxal o yakʼul te tsu* te maba la awil awokol ta stsʼunel sok te ma jaʼukat la achʼitese; te chʼi ta jun-nax ajkʼabal sok te takij ta jun-nax ajkʼabal. 11  Jich yuʼun, ¿mabal yakuk skʼan ya jnaʼbey yoʼbolil sba te mukʼul lum Nínive te banti nainem kʼaxem ta 120 mil ta tul ants winiketik te ma snaʼik stsajtayel* te bin lek sok te bin ma leke, soknix te ay bayal ta kojt chambalametik tey-ae?».

Notaetik

^ Ta yantik variante «ma lek stalelike».
^ O jaʼniwan ya skʼan ya yal «chʼupak teʼ».
^ Ta hebreo: «te Dios». Ilawil ta glosario, Te smelelil Dios.
^ O jaʼniwan ya skʼan ya yal «chʼupak teʼ».
^ O jaʼniwan ya skʼan ya yal «chʼupak teʼ».
^ O jaʼniwan ya skʼan ya yal «chʼupak teʼ».
^ Ta yantik variante «stʼunel ta lek».
TE TRADUCCIÓN DEL NUEVO MUNDO DE LAS SANTAS ESCRITURAS
Jonás 4
tseltal
Kʼopona te Biblia ta Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt