Jueces 5:1-31
5 Ta kʼajkʼal-abi te Débora sok te Barac snichʼan Abinoam la skʼayojtayik te kʼayojil ini:
2 «Ta swenta te soldadoetik yuʼun Israel te maba syomoj sjolik,ta swenta te lum te spasemal yoʼtan la sjap sba,¡albeyaik yutsil skʼoplal te Jehová!
3 ¡Aʼiya awaʼiyik stojol ajwaliletik! ¡Chʼama awaʼiyik stojol jaʼex te machʼatik awichʼoj mukʼ awaʼtelik!
Yame jkʼayojtay te Jehová.
Ya jkʼayojtay* te Jehová te Dios yuʼun Israel.
4 Jehová, te kʼalal lokʼat tal ta Seír,sok te kʼalal lokʼat tal ta skʼinal Edom,nijk te balumilal sok la smal koel tal bayal jaʼ te chʼulchan;lokʼ tal jaʼal ta tokaletik.
5 Ulub* te witsetik ta stojol te Jehová,jaʼnix jich ulub te wits Sinaí ta stojol te Jehová te Dios yuʼun Israel.
6 Ta skʼajkʼalel te Samgar snichʼan Anatsok ta skʼajkʼalel te Jael jochol takin kʼinal-a te beetik;te jbeeletik kʼaxik ta chʼin beetik.
7 Te machʼatik nainemik ta chʼin lumetik yuʼun Israel,maba tey ayik-a, jaʼto te kʼalal kʼoon, joʼon Débora,jaʼto te kʼalal jich kʼoon te bin-utʼil snan* te lum Israel.
8 La stʼunik yantik diosetik.Jich jajch guerra ta yochibal te mukʼul lumetik.
Maʼyuk chiknaj ni junuk majkilal sok ni junuk lanzata yolil te 40 mil ta tul israeletik.
9 Te koʼtane jaʼ ay sok te comandanteetik yuʼun te lum Israelte spasemal yoʼtan bajtik sok te lume.
¡Albeyaik yutsil skʼoplal te Jehová!
10 Jaʼex te kajalex ta burroetik;jaʼex te nakalex ta tʼujbil pakʼetik,jaʼex te ya xbeenex ta be,¡nopa awaʼiyik ini!
11 Ta nopol* yuchʼojibal jaʼ yuʼun chambalametik chiknaj skʼopik te machʼatik ya slokʼesik tal jaʼ.Tey la yalbeyik skʼoplal-a te bintik lek spasoj te Jehová,sok te bintik lek spasoj te machʼatik nainemik ta chʼin lumetik yuʼun Israel.
Jich te lum yuʼun te Jehová koik bael ta yochibal te mukʼul lumetik.
12 ¡Jajchan, Débora, jajchan!
¡Jajchan, jajchan, kʼayojinan!
¡Jajchan, Barac! ¡Ikʼa bael te jchukeletik awuʼun jaʼat te snichʼanat Abinoam!
13 Te machʼatik jilike, koik bael te banti ay te machʼatik ichʼbilik ta mukʼe;te lum yuʼun te Jehová tal skoltayon ta yakʼbeyel guerra te machʼatik ay yipik.
14 Te stsʼumbal Efraín jaʼik te machʼatik ayik ta spamlej;ta yolil te winiketik awuʼun sjokinojat bael te stsʼumbal Benjamín.
Ta stsʼumbal Makir koik tal te comandanteetik,ta stsʼumbal Zabulón jaʼik te machʼatik ya stsobik tal te soldadoetik.*
15 Te machʼatik yichʼoj mukʼ yaʼtelik ta stsʼumbal Isacar la sjokinik te Débora.Jich bitʼil te stsʼumbal Isacar la sjokin te Débora, jaʼnix jich te Barac la sjokin te Débora.
Ta yok la yichʼ tikunel bael ta spamlej.
Ta yolil stsʼumbal Rubén la yichʼik tsajtayel ta lek te yoʼtanike.
16 ¿Bin yuʼun te nakal jilat ta yolil te schebal awijkatsta yaʼiyel te amay* te yakik ta yokʼesinel te jkanantuminchijetik ta swenta te stuminchijike?
Ta yolil stsʼumbal te Rubén la yichʼik tsajtayel ta lek te yoʼtanike.
17 Te Galaad jil ta jejch Jordán.¿Bin yuʼun te jil ta stsʼeel barcoetik te stsʼumbal Dan?
Te stsʼumbal Aser nakalnax jil ta stiʼil te mar,maba la stij sba te banti ya xjul te barcoetike.
18 Te Zabulón jaʼ jun lum te la yakʼ ta wokol skuxlejal;jaʼnix jich te Neftalí la yakʼ ta wokol skuxlejal ta witstikil.
19 Talik te ajwaliletik sok la yakʼik guerra;jich te ajwaliletik yuʼun Canaán la yakʼik guerrata Taanac, ta nopol* jaʼetik yuʼun Meguidó.
Maʼyuk bin juʼ yuʼunik spojel bael ni jaʼuk te platae.
20 Ta chʼulchan la yakʼik guerra te ekʼetik,teyto la yakʼbeyik guerra-a te Sísara.
21 Jochotik yuʼun te be jaʼ yuʼun Cisón,te antiguo be jaʼ, te be jaʼ yuʼun Cisón.
La atsʼoʼ* ta tekʼel te machʼatik ay yipike.
22 Xkʼojlajan yok te caballoetikkʼalal tulan ya x-animajik.
23 Jich la yal te chʼul-abat yuʼun te Jehová: ‹Bolobtesbeyaik skʼoplal te Meroz,jich, bolobtesbeyaik skʼoplal te yajwalule,melel maba tal yakʼbeyik koltayel te Jehová,maba tal yakʼbeyik koltayel te Jehová sok te winiketik te ay yipik ta yakʼel guerra›.
24 Te machʼa bayal yutsilal ta spisil te antsetik, jaʼ te Jael,te yinam Héber, te quenita-winik;jaʼ te machʼa bayal yutsilal ta spisil te antsetik te nainemik ta nailpakʼetik.
25 Kʼanbot jaʼ yuchʼ yuʼun te Sísara; pero leche la yakʼbey.
Ta jun mukʼul tʼujbil taza la yakʼbey yuchʼ tatuben leche.
26 La stsak jchʼix teʼ yuʼun nailpakʼ.Ta swaʼel skʼab la stsak jun martillo yuʼun te j-aʼteletik.
La smajbey ochel ta sjol te Sísara, la stopʼbey te sjole;la smajbey ochel ta xujk stiʼba, sol kʼaxel ta lum.
27 Yal koel ta yok te Jael; yal koel, tey metsel jil-a.Yal koel ta yok, yal koel.Te banti yale, tey laj-a.
28 Jtul ants yak ta ilaw ta ventana.Te snan* te Sísara yak ta yilel lokʼel te banti japal te sventana:‹¿Bin yuʼun te ma xtal ta ora te carreta yuʼune?
¿Bin yuʼun te mato xkaʼiybey yok te caballoetik yuʼune?›.
29 Jich la sjakʼbeyik te pʼijil achʼixetik te ichʼbilik ta mukʼ,sok jich ya yalulanbey sba-euk te snan* te Sísara:
30 ‹Yakniwan ta spukbel sbaik te bin la spojike:jtul o chaʼtul achʼix yuʼun ta jujuntul te soldadoetike;la spojik bonbil pakʼetik ta swenta te Sísara, la spojik bonbil pakʼetik;jlijkʼ pakʼ te chʼalbil ta tsʼisel, bonbil pakʼetik, chaʼlijkʼ pakʼ te chʼalbil ta tsʼiselyuʼun ya sjojkʼan ta snukʼik te jpojbiluketike›.
31 ¡Kajwal, Jehová! Jichuk akʼa lajuk spisil te akontratake,pero te machʼatik kʼuxat ta yoʼtan jichuk ya xtilik te bin-utʼil ya xlokʼ tal te kʼajkʼal».
Jich ayin lamalkʼinal 40 jaʼbil ta skʼinalik.
Notaetik
^ O «Ya jtijbey música».
^ O jaʼniwan ya skʼan ya yal «Nijk».
^ Ta yantik variante «smeʼ», «smama».
^ Ta yantik variante «tijil».
^ O jaʼniwan ya skʼan ya yal «te machʼatik ya stuuntesik te aʼtejibaletik yuʼun te escriba».
^ O «flauta».
^ Ta yantik variante «tijil».
^ Ta yantik variante «apechʼ».
^ Ta yantik variante «smeʼ», «smama».
^ Ta yantik variante «smeʼ», «smama».