Te lek yachʼil kʼop ya yal te Mateo 1:1-25
1 Te libro te ya scholbey skʼoplal te skuxlejal* te Jesucristo,* snichʼan David, snichʼan Abrahán.
2 Te snichʼan Abrahán jaʼ te Isaac;te snichʼan Isaac jaʼ te Jacob;te snichʼan Jacob jaʼ te Judá sok te yantikxan snichʼnabe;
3 te snichʼnab Judá te la sta sok te Tamar jaʼ te Pérez sok Zérah;te snichʼan Pérez jaʼ te Hezrón;te snichʼan Hezrón jaʼ te Ram;
4 te snichʼan Ram jaʼ te Aminadab;te snichʼan Aminadab jaʼ te Nahsón;te snichʼan Nahsón jaʼ te Salmón;
5 te snichʼan Salmón te la sta sok te Rahab jaʼ te Boaz;te snichʼan Boaz te la sta sok te Rut jaʼ te Obed;te snichʼan Obed jaʼ te Jesé;
6 te snichʼan Jesé jaʼ te ajwalil David.Te snichʼan David te la sta sok te ants te jaʼ yinam-a te Urías jaʼ te Salomón;
7 te snichʼan Salomón jaʼ te Rehoboam;te snichʼan Rehoboam jaʼ te Abías;te snichʼan Abías jaʼ te Asá;
8 te snichʼan Asá jaʼ te Jehosafat;te snichʼan Jehosafat jaʼ te Jehoram;te snichʼan Jehoram jaʼ te Uzías;
9 te snichʼan Uzías jaʼ te Jotán;te snichʼan Jotán jaʼ te Acaz;te snichʼan Acaz jaʼ te Ezequías;
10 te snichʼan Ezequías jaʼ te Manasés;te snichʼan Manasés jaʼ te Amón;te snichʼan Amón jaʼ te Josías;
11 te snichʼan Josías jaʼ te Jeconías sok te yantikxan snichʼnab te kuxinik ta yorail kʼalal la yichʼik ikʼel bael ta Babilonia.
12 Te kʼalal ayikix ta Babilonia-a, ayin* te Sealtiel te jaʼ snichʼan Jeconías;te Sealtiel jaʼ snichʼan te Zorobabel;
13 te snichʼan Zorobabel jaʼ te Abiud;te snichʼan Abiud jaʼ te Eliaquim;te snichʼan Eliaquim jaʼ te Azor;
14 te snichʼan Azor jaʼ te Sadoc;te snichʼan Sadoc jaʼ te Aquim;te snichʼan Aquim jaʼ te Eliud;
15 te snichʼan Eliud jaʼ te Eleazar;te snichʼan Eleazar jaʼ te Mattán;te snichʼan Mattán jaʼ te Jacob;
16 te snichʼan Jacob jaʼ te José. Te José jaʼ kʼot ta smamalal te María te la yayintes* te Jesús te la yichʼ naʼbeyel sba jich bitʼil Cristo.
17 Jaʼ yuʼun, ta Abrahán kʼalalto ta David, ay 14 ta kaj tsʼumbaliletik, ta David jaʼto te kʼalal la yichʼik chukel bael ta Babilonia, ay 14 ta kaj tsʼumbaliletik, te kʼalal la yichʼik chukel bael ta Babilonia jaʼto kʼalal ta Cristo, ay 14 ta kaj tsʼumbaliletik.
18 Jich ay skʼoplal te bitʼil ayin* te Jesucristoe. Te María makbilix yuʼun-a te José yuʼun ya xnujpun sok, pero la sta yal ta swenta chʼul espíritu* te kʼalal mato yikʼoj sbaik-ae.
19 Jich bitʼil te toj yoʼtan ta winikil te José te smamalal te María, ma la skʼan la yakʼ ta kʼexlal ta stojol te ants winiketik. Jich yuʼun la snop ta yoʼtan te muken ya yijkitaye.*
20 Te kʼalal jich snopojix-a te ya spase, chiknaj jtul chʼul-abat yuʼun Jehová* ta swayich te jich albot yuʼun: «José, snichʼan David, mame xiwat ta yikʼel bael ta ana te María te awiname, melel te alal yikʼoje jaʼ ta swenta chʼul espíritu.*
21 Yame x-ayin* skerem-al, yame awakʼbey sbiilin Jesús,* melel ya skoltay lokʼel ta mulil te lum yuʼune», xchi skʼoplal.
22 Jich kʼot ta pasel spisil te bin yaloj Jehová* ta swenta te j-alwanej yuʼune:
23 «Te achʼix te maba tabil ta winik yame x-ayin* skerem-al, Emmanuel ya xkʼot sbiil», te xchie, te biilil ini ya skʼan ya yal «sjokinojotik te Diose».
24 Te kʼalal kux yoʼtan te José, jich la spas te bin albot ta mantal yuʼun te chʼul-abat yuʼun Jehová,* la yikʼ bael ta sna te yiname.
25 Pero maba la sta sba sok te María, jaʼto kʼalal ayin* te alale. La yakʼbey sbiilin Jesús.
Notaetik
^ O «kajalkaj stsʼumbal».
^ O «Jesús te Mesías». Te biiletik Cristo sok Mesías ya skʼan ya yal «te machʼa tsabile».
^ O «pʼejkʼaj», «tojk».
^ O «spʼejkʼajtes», «stojkes».
^ O «pʼejkʼaj», «tojk».
^ Ta griego: «ya spasbey sjunil te ya yijkitaye». Jaʼ jich scostumbre te judioetik te kʼalal ma xnujpunix sok te machʼa schapojike.
^ O «xpʼejkʼaj», «xtojk».
^ Te biilil ini talem ta hebreo kʼop Jesúa, o Josué te ya skʼan ya yal «te Jehová jaʼ Jkoltaywanej».
^ O «xpʼejkʼaj», «xtojk».
^ O «pʼejkʼaj», «tojk».
