29 yuʼun julio kʼalal ta 4 yuʼun agosto
SALMO 69
Kʼayojil 13 sok skʼoponel Dios | Sjajchibal aʼiyej (1 min.)
1. Te Salmo 69 la yal te bin kʼax ta skuxlejal te Jesús
(10 min.)
Maʼyuk swentail te bin yuʼun la spʼajik te Jesús (Sl 69:4; Jn 15:24, 25; w11 15/8 pág. 11, párr. 17).
Te Jesús kʼux ta yoʼtan te sna Jehová, te jaʼ ya skʼan ya yal-abi te smelelil yichʼel ta mukʼ Dios (Sl 69:9; Jn 2:13-17; w10 15/12 pág. 8, párr. 7, 8).
Te Jesús kʼax tulan swokol, ta patil la yakʼbeyik yuchʼ vino te kapbil ta bin chʼa (Sl 69:20, 21; Mt 27:34; Lu 22:44; Jn 19:34; g95 22/10 pág. 31, párr. 4; it-2 pág. 669).
NOPA INI: ¿Bin yuʼun te Jehová la yakʼ ta tsʼibayel albilkʼopetik ta stojol te Mesías ta Escrituras Hebreas?
2. Bintik mukʼ skʼoplal ta Biblia
(10 min.)
-
Sl 69:30, 31. ¿Bin-utʼil ya skoltayotik te versiculoetik ini yuʼun ya jlekubtestik te bitʼil ya jkʼopontik te Diose? (w99 15/1 pág. 18, párr. 11).
-
¿Bintik mukʼ skʼoplal la anop te kʼalal la akʼopon te Biblia ta semana ini?
3. Skʼoponel te Biblia
(4 min.) Mt 11:1-19 (th lección 2).
4. Naʼa smaliyel: Te bin la spas te Jesús
(7 min.) Yilel ta komon sok te machʼatik ayik ta tsoblej. Akʼa ta ilel te VIDEO, sok ilbeya skʼoplal te folleto Otsesa jnopojeletik lección 8 punto 1, 2.
5. Naʼa smaliyel: Nopbeya stalel te Jesús
(8 min.) Yilel ta komon sok te machʼatik ayik ta tsoblej te folleto Otsesa jnopojeletik lección 8 punto 3-5 sok «Jaʼnix jich kʼopona».
Kʼayojil 134
6. Te banti ya skʼan ya x-aʼtej te congregación
(5 min.)
7. Te bin-utʼil ya xjuʼ ya jmulantik te yichʼel ta mukʼ Dios ta sjunal na
(10 min.) Yilel ta komon sok te machʼatik ayik ta tsoblej.
Ta enero 2009 la yichʼ tael ta nopel te pajal ya yichʼ nopel te Snopel skʼop Dios ta congregación, te Pʼijubtesel yuʼun Scholel skʼop Dios sok te Tsoblej yuʼun Spasel yaʼtel Dios. Yuʼun jich ay stiempoik te jujun familia swenta ya yichʼik ta mukʼ te Dios ta sjunal na. Bayal machʼatik yalojik wokol yuʼun te jich la yichʼ tael ta nopel, melel noptsajemikxan ta stojol te Jehová sok jun ayik (Dt 6:6, 7).
Teme jaʼat jolalat yuʼun na, te bintik ya yichʼ alel ta alan ya skoltayat yuʼun ya amulan sok te afamilia te yichʼel ta mukʼ Dios ta sjunal na.
-
Mame xa akom abaik ta spasel. Teme ya xjuʼe, tsaaik jun kʼajkʼal sok te jayeb ora ya atsob abaik ta jujun semana, pero teme ma juʼ awuʼunike, pasaik ta yan kʼajkʼal.
-
Chajpana te bin ya anopik. Jojkʼoybeya te awinam, sok ay baeltik jojkʼoybeya te anichʼnab te bin ya xjuʼ ya anopik. Ma puersauk te bayal tiempo ya awakʼbey te bitʼil ya achajpan abae, kʼaxtoxan-a teme ya smulan te afamilia te bin kʼayemex ta spasel ta jujun semana.
-
Ilawil te bin ya xtuun yuʼun te afamilia. Te bitʼil ya xchʼi te alnichʼanetik ya xjelon te bin ya snaʼik sok te bin ya xtuun yuʼunike. Te bin ya anopike ya skʼan te ya xkoltayot te afamilia yuʼun ya xchʼi te schʼuunel yoʼtanike.
-
Lekuknax xa awaʼiy abaik te kʼalal ya apasike. Teme ya xjuʼe, pasaik ta jamalal kʼinal te yichʼel ta mukʼ Dios, jaʼnix jich ya xjuʼ ya akomik ajkʼuk yuʼun ya xjuʼ ya akux awoʼtanik. Manchukme lek te ya awalbeyik skʼoplal ta swenta te familia, mame jaʼuk yorail te ya x-utawanex o te ya awakʼik tojobtesel.
-
Yanyantikuk-a te bin ya apasike. Ya xjuʼ te ya achajpanik jun parte yuʼun te tsoblej, te ya awilik sok ya awalbeyik skʼoplal jun video te ay ta jw.org o ya anopik te bitʼil ya xjuʼ ya acholik te skʼop Dios. Manchukme te bin mukʼ skʼoplal te kʼalal ya awichʼik ta mukʼ te Dios ta sjunal na, jaʼ te ay bin ya anopik ta apisilik, pero jaʼnix jich ya xjuʼ ya alokʼesik tiempo yuʼun ya anopik ta jujuntul te Bibliae.
Jojkʼoya:
-
¿Bin apasoj yuʼun akʼotesoj ta pasel te bintik la yichʼix alel te kʼalal ya awichʼ ta mukʼ Dios ta sjunal na? Chola ta alel.
8. Snopel skʼop Dios ta congregación
(30 min.) bt cap. 13, párr 8-16 sok te recuadro te ay ta página 105.
