JNOPTIK TA LEK PʼIJUBTESWANEJ
Lekubtesa te bin-utʼil ya achol te skʼop Diose: chajpana te bin-utʼil ya ajap te revistaetike
TE BIN YUʼUN TE MUKʼ SKʼOPLALE: Manchukme ya xtuun kuʼuntik ta lek te bintik-utʼil ta japel te junetik te ya yichʼ tal ta Sjunal kaʼteltik ta swenta tsoblej, jaʼukmeto jaʼnax ya yakʼ kiltik te bin-utʼil ya xjuʼ ya japtike. Ya xjuʼ ya ajap te junetik te bitʼil ya akʼane. Yaniwan akʼan ya ajel te bin-utʼil ya awalbey skʼoplal te temae, o ayniwan yan tema ta ya akʼan ya awalbey skʼoplal te ya smulanxan te ants winiketik te banti ya achol skʼop Diose. Teme jich-abi, kʼopona nailuk te revista, nopa ta lek te bintik-utʼil ta japel te junetike soknix te video te ya yichʼ akʼel ta ilele, ta patil tʼuna te bintik la yichʼix alele yuʼun jich ya achajpan te bin-utʼil ya ajap te junetike.
TE BIN-UTʼIL TA PASEL:
¿Yabal atuuntes junuk te bintik-utʼil ta japel te junetike?
YAK
-
Chajpana te bin ya awal ta sjajchibal te kʼalal ya apatbey yoʼtan te ants winike sok cholbeya yaʼiy te bin swentail te kʼoat ta yulaʼtayele. (Ejemplo: «Te bin swentail te tal kulaʼtayate...».)
-
Nopa te bin jojkʼoyel ya apas te kʼalal ya akʼoponbey jun textoe, ta slajibal japa te june. (Ejemplo, te kʼalal mato akʼoponoj-a te textoe, ya xjuʼ ya awal jich ini: «Ilawil te bin-utʼil ya scholbey skʼoplal te Bibliae».)
MAʼUK
-
Tsaa junuk tema yuʼun revistaetik te ya amulane sok te banti ya smulan-euk te ants winiketik te banti ya achol skʼop Dios.
-
Pasa junuk jojkʼoyel te banti jich ya xjuʼ xkʼopoj-euk-a te ants winike, jaʼnax yuʼun mame xa awakʼ xkʼexaw. (Ejemplo: tuuntesa te jojkʼoyel te ya xchiknaj ta pajina 2 yuʼun te revistaetike.)
-
Tsaa junuk texto yuʼun Biblia sok kʼopona. (Ta swenta te ¡Despertad!, ma puersauk jich ya yichʼ pasel, melel te bitʼil yichʼoj pasele jaʼ ta swenta ants winiketik te ma snaʼik lek te bin ya yal te Biblia o te machʼatik ma smukʼulin yoʼtanik te relijione.)
-
Chajpana junuk o chebuk bin-utʼil ya acholbey yaʼiy te ants winik te bin-utʼil ya xkoltayot ta skuxlejal ta swenta te bin ya yal te revistae.
CHIKAN TE BANTI YA ATSAE
-
Chajpana junuk jojkʼoyel yuʼun ya awakʼbey sujtib te kʼalal ya achaʼulaʼtay te ants winike.
-
Tsʼibaya ta ajun yuʼun jich ma xchʼay ta awoʼtan bintik ya xjuʼ ya awalbey te kʼalal ya awulaʼtay yan bueltae.
