JEREMÍAS 12-16
KʼULEJALIL TE AY TA BIBLIA |Te israeletik chʼay ta yoʼtanik te Jehovae
Te Jeremías ay bin tulan la yichʼ akʼbeyel spas swenta jich la yakʼ ta ilel te Jehová te ya slajinbey skʼoplal te toybail sok te tulan stalel te lum Judá sok Jerusalén.
Te Jeremías la sman jun schujkil chʼujtʼul te pasbil ta lino
13:1, 2
-
Te bitʼil la schuk ta schʼujtʼ te Jeremías te schujkil chʼujtʼule, jich la yakʼ ta ilel Jehová te bitʼil kʼax lek yiloj sba sok-a te nasion yuʼun Israel.
Te Jeremías la yichʼ bael te schujkil chʼujtʼul ta mukʼul jaʼ Éufrates
13:3-5
-
La snakʼ jilel te banti jatem ton sok sujt tal ta Jerusalén.
Te Jeremías chaʼsujt ta Éufrates ta yichʼel tal yan buelta te schujkil chʼujtʼule
13:6, 7
-
Te schujkil chʼujtʼule jkʼaxel ma xtuunix-a.
Te Jehová la yal te bin swentail te bin la yakʼbey spas te Jeremías jaʼto te kʼalal schʼuunejix spasel-ae
13:8-11
-
Te Jeremías jun yoʼtan la schʼuunbey smantal te Jehová manchukme maʼyuk skʼoplal yilel te bin akʼbot spase. Ta swenta-abi, jich la skoltay te ants winiketik yuʼun jich ya xkʼot ta yoʼtanik-a te bin ya skʼan Jehová ta stojolike.