25:1-12

Manchukme jaʼ ta stojol te machʼatik tsabilik te ya xbajtʼik ta chʼulchan te lokʼombakʼop yuʼun te lajuntul achʼixetik te la yalbey skʼoplal te Jesuse, jaʼnix jich ya xtuun kuʼuntik te bin la yakʼ ta nopele (w15-S 15/3 paj. 12-16). «Cuxuluc me awoʼtanic, como ma naʼbiluc awuʼunic bin orahil soc bin cʼahcʼalil» (Mt 25:13). ¿Yabal anaʼ scholel te lokʼombakʼop ini te la yal te Jesuse?

• Te machʼa ya xnujpun (vs. 1): Jaʼ te Jesuse.

• Te achʼixetik te ay spʼijilik o te chapalike (vs. 2): Jaʼ te machʼatik tsabilik te ya xbajtʼik ta chʼulchan te jun yoʼtan yakik ta spasel te aʼtelil akʼbilike sok te ya xtilik kʼoem jaʼto ta slajibal kʼajkʼal (Flp 2:15).

• Ay chiknaj aw: «¡Tal me ix te machʼa ya xnuhpun!» (vs. 6): Jaʼ señail te kʼalal liʼ ayix-a te Jesuse.

• Te achʼixetik te maʼyuk spʼijilike (vs. 8): Jaʼ te machʼatik tsabilik te ya xbajtʼik ta chʼulchan te ya xlokʼ staik te machʼa ya xnujpune, pero maba kuxul yoʼtanik sok maba jun yoʼtan ya yakʼ sbaik.

• Te achʼixetik te ay spʼijilik ma la yakʼik te aceite yuʼunike (vs. 9): Te kʼalal yichʼojikix akʼbeyel selloil-a te machʼatik tsabilik te ya xbajtʼik ta chʼulchan te jun yoʼtan la yakʼ sbaike ma yorailukix-a te ya skoltayik te machʼatik maba jun yoʼtan la yakʼ sbaike.

• «Tal te machʼa ya xnuhpun» (vs. 10): Te kʼalal nopol ya xlajix-a te tulan wokolile te Jesús ya xtal yilbey yaʼtel te ants winiketik sok ya xtal yakʼ lajinel.

• Te achʼixetik te ay spʼijilik ochik te banti ya xkʼot te nujpunel sok te machʼa ya xnujpune sok la yichʼ makel te tiʼnaile (vs. 10): Te Jesús ya stsob ta chʼulchan te machʼatik tsabilik te jun yoʼtan la yakʼ sbaike, pero te machʼatik maba jun yoʼtan la yakʼ sbaike yame schʼayik te majtʼanil-abi.