29 yuʼun abril kʼalal ta 5 yuʼun mayo
SALMOS 34, 35
Kʼayojil 10 sok skʼoponel Dios | Sjajchibal aʼiyej (1 min.)
1. «Ya calbe yutsil scʼoblal Jehová ta spisil ora»
(10 min.)
Te David la yalbey yutsil skʼoplal te Jehová manchukme bayal swokol-a (Sl 34:1; w07 1/3 pág. 22, párr. 11).
Te David la stoybey skʼoplal te Jehová sok maba la stoy sba yuʼun te bin juʼ yuʼun spasele (Sl 34:2-4; w07 1/3 pág. 22, párr. 13).
Kʼalal la yalbey yutsil skʼoplal Jehová, te David la yakʼbey yip schʼuunel yoʼtan te sjoʼtake (Sl 34:5; w07 1/3 pág. 23, párr. 15).
Kʼalal te Jehová la skoltay lokʼel te David ta skʼab te Akís, te jaʼnix jich sbiilinoj Abimélec, te 400 ta tul winiketik te jajchem kʼop yuʼunik sok te Saúl la sjokinik te David (1Sa 22:1, 2). Jaʼniwan yak ta snopel ta stojolik te kʼalal la stsʼibay te salmo ini (Sl 34, sjajchibal aʼiyej).
JOJKʼOYBEYA ABA: «Te kʼalal ay machʼa ya xkʼopojon sok ta yan tsoblej ta semana ini, ¿bin ya xjuʼ ya kal yuʼun ya yichʼ albeyel yutsil skʼoplal te Jehová?».
2. Bintik mukʼ skʼoplal ta Biblia
(10 min.)
-
Sl 35:19. ¿Bin la skʼan la yal te David kʼalal la skʼanbey te Jehová te manchuk xyakʼ te ya smutsʼilan sitik te skontratak ta stojol? (w06 15/5 pág. 20, párr. 2).
-
¿Bintik mukʼ skʼoplal la anop te kʼalal la akʼopon te Biblia ta semana ini?
3. Skʼoponel te Biblia
(4 min.) Sl 34:1-22 (th lección 5).
4. Jacha awaʼiyej
(2 min.) SCHOLEL SKʼOP DIOS TA BAYUK. Ya xlaj te aʼiyej te kʼalal mato awalojbey skʼoplal-a te Biblia (lmd lección 1 punto 4).
5. Chaʼulaʼtaya
(4 min.) SCHOLEL SKʼOP DIOS TA BAYUK. (lmd lección 2 punto 4).
6. Chola te bin achʼuunoje
(5 min.) Escenificación. ijwfq 59. Título: ¿Bin-utʼil ya snaʼik te testigoetik yuʼun Jehová teme lek o ma lek ta pasel jun kʼin?
Kʼayojil 59
7. Oxchajp te bin-utʼil ya xjuʼ ya kalbeytik yutsil skʼoplal te Jehová ta tsoblejetik
(15 min.) Yilel ta komon sok te machʼatik ayik ta tsoblej.
Bayal bin-utʼil ya xjuʼ ya kalbeytik yutsil skʼoplal te Jehová ta tsoblejetik. Kiltik oxchajp.
Te kʼalal ya xkʼopojotik sok te yantik: Akʼa kalbeytik te lek yoʼtan te Jehová (Sl 145:1, 7). ¿Aybal bin la kaʼiytik o la jkʼopontik te la skoltayotike? ¿Aybal bin lek kʼax kuʼuntik ta scholel skʼop Dios? ¿Labal yakʼ smukʼul koʼtantik te bin la yalik o te bin la spas te yantike? ¿Aybal bin jmulanojtik ta swenta te bintik pastiklanbile? Jaʼ ini, jaʼ majtaniletik te yakʼojbotik te Jehová (Snt 1:17). Spisil ini ya xjuʼ ya jpastik teme mato jajchem-a te tsoblej te kʼalal ya xkʼootike.
Te kʼalal ya kakʼ jcomentariotik: Jpastik tulan yuʼun ya kakʼ junuk jcomentariotik ta jujun tsoblej (Sl 26:12). Ya xjuʼ ya kakʼbeytik sujtib te jojkʼoyel o ay binxan ya jcholbeytik skʼoplal, jun texto te ay ta Biblia, jun foto o dibujo o yanxan te bin ya xtuun kuʼuntike. Lek teme ya jchajpantik cheʼoxeb jcomentariotik, melel ya xjuʼ ya sjach skʼabik-euk te yantik te kʼalal ya jachtik-euke. Mame xchʼay ta koʼtantik teme jaʼnax ya xjalaj 30 segundo o ma sta te jcomentariotik, bayalxan hermanoetik ya xjuʼ ya yakʼbeyik milbil majtanil te Jehová jaʼ te «yalbeyel yutsil skʼoplal» (Heb 13:15).
Te kʼalal ya xkʼayojinotik: Sokuk spisil koʼtantik ya xkʼayojinotik (Sl 147:1). Maniwan kichʼtik akʼbeyel jun jcomentariotik ta jujun tsoblej, kʼaxtoxan-a teme mukʼ te congregación. Pero jpisiltik ya xjuʼ ya xkʼayojinotik. Teme jich ya kaʼiytik te ma jnaʼtik kʼayoje, te Jehová tseʼel yoʼtan ya yaʼiy sba teme ya jpastik tulan yuʼun ya xkʼayojinotik (2Co 8:12). Melelnix-a, ya skʼan te nail ya jnopilantik ta jnatik te kʼayojiletike.
Akʼa ta ilel te VIDEO Historia: Kʼayojetik yuʼun ya kichʼtik ta mukʼ te Jehova, Parte 1. Patil pasa te jojkʼoyel ini:
¿Bin-utʼil kakʼojtik talel ta ilel te mukʼ skʼoplal kilojtik te yalbeyel yutsil skʼoplal te Jehová ta swenta te kʼayojiletike?
8. Snopel skʼop Dios ta congregación
(30 min.) bt cap. 9, párr. 1-7, parte 3 sok te recuadro te ay ta página 70.
