28 yuʼun abril kʼalal ta 4 yuʼun mayo
PROVERBIOS 11
Kʼayojil 90 sok skʼoponel Dios | Sjajchibal aʼiyej (1 min.)
1. ¡Mame ayuk bin xa awal!
(10 min.)
Mame ayuk bin xa awal te ya yutsʼin te apatxujk(Pr 11:9; w02-S 15/5 pág. 26, párr. 4).
Mame ayuk bin xa awal te ya yakʼ xatomba(Pr 11:11; w02-S 15/5 pág. 27, párr. 2, 3).
Mame xa awal te bin ma xjuʼ ta naʼel(Pr 11:12, 13; w02-S 15/5 pág. 27, párr. 5).
NOPA INI: Ta swenta te bin la yal te Jesús ta Lucas 6:45, ¿bin ya skoltayotik yuʼun ma kutsʼintik te yantik ta swenta te bin ya kaltike?
2. Bintik mukʼ skʼoplal ta Biblia
(10 min.)
-
Pr 11:17. ¿Bin-utʼil ya sta slekilal te machʼa lek yoʼtane? (g20.1 pág. 11, recuadro).
-
¿Bintik mukʼ skʼoplal la anop te kʼalal la akʼopon te Biblia ta semana ini?
3. Skʼoponel te Biblia
(4 min.) Jn 18:1-14 (th lección 5).
4. Jacha awaʼiyej
(4 min.) SCHOLEL SKʼOP DIOS TA BAYUK. Lea bin-uʼtil ya acholbey yaʼiy te ants winik te bin la anop ta tsoblej (lmd lección 2 punto 4).
5. Chaʼulaʼtaya
(4 min.) SCHOLEL SKʼOP DIOS TA BAYUK. Akʼa ta ilel sok ilbeya skʼoplal jun video te ay ta aʼtejibaletik yuʼun nojpteswanej, mame xa atsum te video (lmd lección 8 punto 3).
6. Otsesa ta jnopojel
(4 min.) SCHOLEL SKʼOP DIOS TE BANTI YA XKʼAX BAYAL ANTS WINIKETIK. Japbeya jun nojptesel ta Biblia te ants winik sok akʼbeya yil te bin-utʼil ya kakʼtik te nojptesel ta Biblia (lmd lección 10 punto 3).
Kʼayojil 157
7. Mame slajin lamalkʼinal te kakʼtike
(15 min.) Yilel ta komon sok te machʼatik ayik ta tsoblej.
Te bitʼil jmulawilotike ay baeltik ya kaltik te bin ma xjuʼ ta alele (Snt 3:8). Pero teme ya jnaʼtik te banti ya xjuʼ ya xchʼayotik kʼalal ya xkʼopojotik ya skoltayotik yuʼun maba ya kaltik te bin ya xjuʼ ya jmel koʼtantik yuʼun ta patil. Te bin chaʼoxchajp te ya xjuʼ ya slajin te lamalkʼinal ta congregación jaʼik ini:
-
Te ya jtoy jbatik. Teme joʼotiknix ya kalbey jba lek jkʼoplaltik ya xjuʼ te talel kʼaxel ya xjajch jkontrain jbatik o ya xjajch sbikʼtal koʼtantik sok te kermanotaktike (Pr 27:2).
-
Te bin ma smeleliluk ya kaltik. Mame jaʼuknax te yalel lotiletik te ya utsʼinwane jaʼnix jich tey ochem skʼoplal-a te ay bin ya kaltik te yan bitʼil ya xkʼot ta yoʼtan te yantike. Teme ay bin ma stojiluk ya kaltik ya xjuʼ ya xlaj smukʼul yoʼtanik ta jtojoltik o ya xbolob jkʼoplaltik(Ec 10:1).
-
Te spukbeyel skʼoplal te yantik. Jaʼ te kʼalal ya jpuktik ta alel te bin kaʼiyojtik jtebuk ta stojol te yantik, te ya jelontestik te bin smelelil o te ya kaltik te bin ma xjuʼ ta naʼel(1Ti 5:13). Ya xjuʼ ya xjajch kʼop sok maba jun ayotikix yuʼun.
-
Te ya xkʼopojotik sok slab koʼtantik. Jaʼ te kʼalal ma jtsajtaytik te bin ya kaltik o te bin ya jpastik ta stojol te machʼa ay bin ma lek la spasbotik (Ef 4:26). Teme jich ya jpastik-abi ya xjuʼ ya kakʼbeytik swokol te yantik (Pr 29:22).
Akʼa ta ilel te VIDEO Jpʼajtik te bin maba ya yakʼ lamalkʼinal (jmajkʼnax). Patil pasa te jojkʼoyel ini:
-
Te lamalkʼinal ta congregación ya xjuʼ oranax ya xlaj, ¿bin ya yakʼ jnoptik te video ini ta swenta te bitʼil ya xkʼopojotik?
Yuʼun ya anaʼ bin-utʼil chaʼayin te lamalkʼinal, ilawil te video«Lea te lamalkʼinal sok tʼuna bael».
8. Snopel skʼop Dios ta congregación
(30 min.) bt cap. 25, párr. 14-21
