Te machʼatik ya jnojptestik ta Biblia ya skʼan te tulanuk te schʼuunel yoʼtanik yuʼun lek ya x-ilotik yuʼun-a te Dios (Heb 11:6). Te libro Mulana ya skoltayotik yuʼun ya xkʼot ta yoʼtanik te smelelil kʼop. Yichʼoj bayal textoetik, jamal chikan ta aʼiyel, jojkʼoyeletik te ya skoltayotik, tʼujbil dibujoetik sok videoetik. Teme ya jkoltaytik te machʼatik ya jnojptestik ta Biblia ta schʼitesel lekil taleliletik sok ta yamigoinel te Dios, te schʼuunel yoʼtanik ya xmukʼub sok maʼyuk bin ya xjuʼ ya slajin (1Co 3:12-15).

Ay ants winiketik te ma schʼuunik te ya xjuʼ ya yamigoinik te Dios, melel maʼyuk yilojik. Jaʼ yuʼun ya skʼan ya jkoltaytik yuʼun ya snaʼbeyik sba te Jehová sok te ya smukʼulin yoʼtanike.

KʼALAL LA AWILIX-A TE VIDEO AKʼA YIP SCHʼUUNEL OʼTANIL TA STOJOL TE JEHOVÁ SOK TE LIBRO «MULANA», AKʼBEYA SUJTIB TE JOJKʼOYELETIKE:

• ¿Bin-utʼil ya jnaʼtik te la schajpan sba ta lek te hermana ta yakʼel te nojptesel ta Biblia?

• Swenta ya yal te bin la snop ta Isaías 41:10, 13 te machʼa yak ta snopel te Biblia, ¿bin jojkʼoyeletik la spas te hermana?

• ¿Bin-utʼil koltayot yuʼun te textoetik sok te video te machʼa yak ta snopel te Biblia?

Bayal ants winiketik ma snaʼik bin-a te stojol jkoleltik sok te jaʼ jun majtanil yuʼun te Diose (Gál 2:20). Jaʼ yuʼun ya skʼan ya jkoltaytik ta yakʼel schʼuunel yoʼtanik ta swenta te la yakʼ sba ta lajel te Jesús.

KʼALAL LA AWILIX-A TE VIDEO AKʼA YIP SCHʼUUNEL OʼTANIL TA STOJOL TE JESÚS SOK TE LIBRO «MULANA», AKʼBEYA SUJTIB TE JOJKʼOYELETIKE:

• ¿Bin-utʼil ya jnaʼtik te la schajpan sba ta lek te hermano ta yakʼel te nojptesel ta Biblia?

• ¿Bin-utʼil la stuuntes te hermano te banti ya yal «Ya xjuʼ ya anopxan ini» yuʼun ya skoltay te machʼa yak ta snopel te Biblia?

• ¿Bin yuʼun mukʼ skʼoplal te ya spas oración te machʼa yak ta snopel te Biblia?