KAKʼTIK TA ILEL TE JCHʼUUNEJTIK DIOSE
Chajpana aba ta yorail wokolil
Te bitʼil nopol ayotikix ta slajibal kʼajkʼal ya jnaʼtik te ya xpʼolxan te jwokoltike (Ap 6:4). ¿Bin ya skʼan ya jpastik yuʼun jich chapalotik?
-
Tulanuk te schʼuunel awoʼtan. Nopa ta swenta textoetik te ya xjuʼ ya skoltayat sok te bin kʼax ta stojol te j-abatetik ta namey ya xjuʼ yakʼbat yip awoʼtan yuʼun jaʼ ya smukʼulin awoʼtan te Jehová sok te organización yuʼun (Pr 12:5; jr-S pág. 125, 126, párr. 23, 24). Ta ora ini, mukʼ skʼoplal te ya kamigointik te hermanoetik ta congregación (1Pe 4:7, 8).
-
Chajpaname aba. Kʼeja te aweʼel sok ilawil banti ya xjuʼ ya anakʼ aba ta ana teme tey ya xjilat bayal tiempo sok ilawil banti ya xjuʼ ya xbaat ta anel. Jaʼnix jich, chapaluk awuʼun te mochila yuʼun emergencia sok mame xchʼay ta awoʼtan te bintik ya xtuun awuʼun, takʼin, cubreboca, guante sok yantikxan. Awichʼojuk te snumero te ancianoetik sok ilawil teme yichʼojik-euk te awuʼune (Is 32:2; g17.5-S pág. 3-7).
Ta yorail wokol, mame xa awijkitay stulantesel te schʼuunel awoʼtan (Flp 1:10). Teme ma puersauk ya xlokʼat, jaʼ lek te ya xjilat ta ana (Mt 10:16). Akʼbeya-euk te yantik te bin ay awuʼune (Ro 12:13).
KʼALAL LA AWILIX-A TE VIDEO ¿BIN-UTʼIL YA XJUʼ YA JCHAJPAN JBATIK KʼALAL YA XKʼAX JUN WOKOLIL?, AKʼBEYA SUJTIB TE JOJKʼOYELETIKE:
-
¿Bin-utʼil ya skoltayotik te Jehová te kʼalal ya xkʼax jun wokolile?
-
¿Bin ya skʼan ya jpastik yuʼun jich chapalotik?
-
¿Bin-utʼil ya xjuʼ ya jkoltaytik te yantik?
