KAKʼTIK TA ILEL TE JCHʼUUNOJTIK DIOSE
Te Jehová ya skoltay te machʼatik chebajem yoʼtanik
Stalelnanix-a te ay baeltik ya jmel koʼtantik, pero jaʼ-abi ma skʼan ya yal te maʼyuk yip schʼuunel koʼtantik, melel te Jehová ay baeltik ya smel yoʼtan-euk (Gé 6:5, 6). Pero ¿bin ya xjuʼ ya jpastik teme tulan te mel-oʼtan o teme spisil-ora jich ya kaʼiy jbatike?
Kʼanbeya koltayel te Jehová. Te Jehová ya smel yoʼtan ta swenta te bin ya jnoptik sok te bin yaʼiyel ya kaʼiy jbatike. Ya snaʼ teme ayotik ta mel-oʼtan o teme tseʼel koʼtantike. Jaʼnix jich ya snaʼ bin yuʼun te jich ya kaʼiy jbatike (Sl 7:9b). Te bin mukʼxan skʼoplale, jaʼ te Jehová ya xjuʼ ya skoltayotik te kʼalal ayotik ta tulan mel-oʼtan, melel ay jkʼoplaltik ta yoʼtan (Sl 34:18).
Kanantaya te apensare. Teme ya jnoptik te bin ma lek ta jtojoltike, ma xyakʼ te tseʼel koʼtantik, jaʼnix jich ya yutsʼin te bitʼil te kamigoinoj jbatik sok te Jehová. Jaʼ yuʼun mukʼ skʼoplal te ya jkanantaytik te jpensartik sok te bin yaʼiyel ya kaʼiy jbatike (Pr 4:23).
KʼALAL LA AWILIX-A TE VIDEO LAMAL YOʼTANIK TE KERMANOTAKTIK MANCHUKME AY SWOKOLIK TA SKAJ TE DEPRESIÓN, AKʼBEYA SUJTIB TE JOJKʼOYELETIKE:
-
¿Bin la spas te Nikki yuʼun ya sitintay te depresión?
-
¿Bin-utʼil la snaʼ te Nikki te ya skʼan ya xbajt ta doctor te ya snaʼ ta swenta te chamel-abi? (Mt 9:12).
-
¿Bin la spas te Nikki yuʼun ya sle koltayel ta stojol te Jehová?
