KAKʼTIK TA ILEL TE JCHʼUUNOJTIK DIOSE
Te ancianoetik ya x-aʼtejik ta skanantayel te lum yuʼun te Jehová
Bayal machʼatik ma lek ya yilik te machʼatik yichʼoj mukʼ yaʼtelik. Snujpʼ te jich ya yaʼiy sbaik, melel te ants winiketik ya stuuntesik te yaʼtelik yuʼun jaʼiknix ya sta slekilalik, jich yakʼojik ta ilel ta spisil-ora (Miq 7:3). Ma jichuk stukel te lum yuʼun te Diose, te Jehová snojptesoj te ancianoetik ta spasel te yaʼtelik yuʼun ya sta slekilalik te hermanoetik ta congregación (Est 10:3; Mt 20:25, 26).
Te ancianoetik jaʼ ya xtijbot yoʼtanik yuʼun te skʼuxul yoʼtanik ta stojol te Jehová sok ta stojol te hermanoetik, ma jichuk bitʼil te machʼatik yichʼoj yaʼtelik ta Balumilal te jaʼnax ya sle yutsil slekilalike (Jn 21:16; 1Pe 5:1-3). Te ancianoetik ya stʼunik te tojobtesel yuʼun te Jesús sok ya skoltayik te publicadoretik yuʼun lekuk ya yaʼiy sbaik ta sfamilia te Jehová sok te nopol ya yakʼ sbaik ta stojole. Chapalik yuʼun ya skoltayik te tuminchijetik yuʼun Jehová. Jaʼnix jich te kʼalal ya xkʼax te bin ya xjinawan jilel sok teme oranax ya skʼan ya awichʼ ikʼel bael ta hospital, spisil-ora chapalik ta yakʼel te koltayel. Kʼalal ya akʼan te koltayele, albeya jtul anciano ta acongregacion (Snt 5:14).
KʼALAL LA AWILIX-A TE VIDEO LEKIL JKANANTUMINCHIJETIK, AKʼBEYA SUJTIB TE JOJKʼOYELETIKE:
-
¿Bin lekilal la sta te Mariana ta swenta te koltayel akʼbot yuʼun te ancianoetik?
-
¿Bin lekilal la sta te Elías ta swenta te koltayel akʼbot yuʼun te ancianoetik?
-
Te bitʼil la kiltikix te video, ¿bin yilel ya awil te yaʼtel ya spas te ancianoetik?
