ACOMODADORETIK. Te acomodadoretik jaʼme ya skoltayat. Pasa te bin ya yalbat ta swenta te estacionamiento, te kʼalal ya xbeenat ta yutil te banti yak ta pasel te mukʼul tsoblej, smakel anaktajib sok yantikxan.

ICHʼJAʼ. Yame yichʼ makel snaktajibik ta stsʼeel plataforma te machʼatik ya yichʼik jaʼ. Yame skʼan ya xnajkajik tey-a te kʼalal mato xjajch te discurso yuʼun ichʼjaʼ ta sab yuʼun sábado. Jaʼnix jich yame skʼan ya yichʼik bael jun toalla sok kʼuʼul pakʼal te snujpʼ ta ilele.

MAJTAN TAKʼIN. Bayal takʼin ya yichʼ lajinel ta swenta te sillaetik, sonido, videoetik soknix te bintik ya yichʼ tuuntesel yuʼun ya jmulantik-a te mukʼul tsoblej sok te ya xnoptsajotikxan ta stojol te Jehová. Te majtan takʼin ya awakʼike jaʼme ya yichʼ tojel-a, soknix ya yichʼ tuuntesel yuʼun te aʼtelil ya jpastik ta swolol Balumilal. Te banti ya yichʼ pasel te mukʼul tsoblej ay cajaetik yuʼun tey ya awakʼ-a te majtan takʼin, sok ya xjuʼ ya awakʼ ta Internet ta donate.pr418.com. Te Cuerpo Gobernante yame yalbeyex bayal wokol yuʼun te koltayel ya awakʼik ta swenta te aʼtelil ya yichʼ pasele.

PRIMEROS AUXILIOS. Naʼame te departamento ini, jaʼnaxme ta swenta teme ay la jtatik wokole.

OBJETOS PERDIDOS. Teme ay bin chʼayem la ata, ichʼa bael ta Departamento ini, sok teme ay bin chʼay awuʼun baan lea tey-a. Jaʼnix jich teme chʼayem te alaletik ikʼa bael tey-a, pero te Departamento ini mame jaʼuk yaʼtel skanantayel alaletik, jaʼ yuʼun kanantayame te awal anichʼnabik sok jokinaik ta spisil-ora.

NAKTAJIBAL. Awokoluk akʼa ta ilel yutsil awoʼtan ta stojol te yantike. Julukme ta awoʼtan te jaʼnax ya xjuʼ ya amakbey snaktajib te afamilia, te machʼatik la awikʼ talel ta acarro, te machʼatik jun ayat ta nainel sok o te machʼatik ya awakʼbey nojptesel ta Biblia. Mame xa amak naktajibal teme maba ya atuuntese.

SERVICIO VOLUNTARIO. Teme ya akʼan ya xkoltaywanat ta spasel te aʼtelil ya yichʼ pasel ta mukʼul tsoblej, baan ta Departamento de Información y Servicio Voluntario.