Te bitʼil tojil winik-a te Jesuse, maba kʼax wokoliletik yuʼun sok ma la sitintay wokoliletik te ya xkʼax yuʼun te ants winiketike. Pero mukʼ skʼoplal la yil te ants winiketik sok la spas tulan ta skoltaylanel. Ma jaʼuknax la spas te bin ya skʼan pasele, la spas te bantito kʼalal ya xjuʼ yuʼune. Ta swenta te ya snaʼbey yoʼbolil sba te ants winiketike, jaʼ tijbot yoʼtan yuʼun ya skoltay. Ya xjuʼ ya jtatik ejemploetik ta capítulo 32, 37, 57 sok 99.

Spisil te ants winiketik te yanyantik yaʼbilalike jun yoʼtan noptsajik ta stojol te Jesús, melel maba la yakʼ ta ilel te mukʼ skʼoplal ya yaʼiy sba. Te kʼalal la yilik te leknax ya x-ilotik yuʼun te Jesús, leknax la yaʼiy sbaik yuʼun. Kiltik bin-utʼil leknax la yil te ants winiketik ta capítulo 25, 27 sok 95.

Te Jesús spisil-ora la spas oración manchukme ta komonsitil o ta stukelnax. Ma jaʼuknax ya spas oración te kʼalal ya xweʼe, jaʼnix jich ya yalbey wokol, ya yalbey yutsil skʼoplal te stat sok ya skʼanbey koltayel te kʼalal ay bin mukʼ skʼoplal ya spase. Kiltik te bin ya yichʼ alel ta capítulo 24, 34, 91, 122 sok 123.

Manchukme lujben la yaʼiy sba te Jesús, pero ma la skux yoʼtan swenta ya skoltay te yantike. Ma jaʼuknax la sle yutsil slekil, ya yakʼbotik jun lekil ejemplo yuʼun jichuk ya jpastik-euk. Kiltik bin-utʼil la yakʼ ta ilel te talelil ini ta capítulo 19, 41 sok 52.

Te Jesús ma jaʼuknax la yakʼ ta nopel te mukʼ skʼoplal te ya jpastik perdón, jaʼnix jich la yakʼbotik jilel ejemplo te bin-utʼil la yil te jnopojeletik sok te ants winiketik. Kiltik bin-utʼil la yakʼ ta ilel ta capítulo 26, 40, 64, 85 sok 131.

Te albilkʼopetike ya yalbey skʼoplal te jteb ma spisil te judioetik ya spʼajik te Jesús sok te ya smilike. Pero maba la skom sba yuʼun, jaʼ bajt ta yoʼtan ta yalbeyel skʼoplal bin-utʼil ta ichʼel ta mukʼ te Diose. Jich la yakʼbotik jilel jun ejemplo, te kʼalal ya jsitintaytik tulan kontrainel. Jnopilan ta koʼtantik te bin ya yal ta capítulo 16, 72 sok 103.

Te Jesús maʼyuk machʼa ya spaj, melel bayal bintik ya snaʼ sok ay spʼijil yoʼtan. Jaʼ tojil winik, te maʼyuk bin-ora tsakot ta chamel. Manchukme jich-abi, pekʼel yoʼtan sok abatin ta stojol te yantike. Ya xjuʼ ya jnopbeytik te spekʼelil yoʼtan ta capítulo 10, 62, 66, 94 sok 116.

Kʼalal te jpuk-kʼopetik sok te ants winiketik maba ya stʼunbeyik te stalel te Jesús o maba ya spasik te bin ya yale, maba ilin yuʼun. La yalulanbey te bin ya skʼan ya spasik yuʼun ya xnoptsajikxan ta stojol te Jehová. Kiltik bin-utʼil la yakʼ ta ilel te slamalil yoʼtan te Jesús ta capítulo 74, 98, 118 sok 135.