YOXEBAL PARTE
Te kʼalal kolik lokʼel ta Egipto te israeletik jaʼto ta sbabial ajwalil yuʼun Israel
Jaʼto te kʼalal ayikto ta mosoinel ta Egipto-a te israeletike ikʼotik bael ta wits Sinaí yuʼun te Moisese, te banti akʼbotik te leyetik yuʼun te Diose. Ta patil, te Moisés la stikun bael lajchayeb ta jtul winiketik ta stsajtayel te skʼinal Canaán. Jaʼukmeto lajuntul te ma lek te bin jul yalike. Ta skaj te bin la yalike kʼan sujtukik bael ta Egipto yuʼun te ants winiketike. Ta swenta te maʼyuk lek xchʼuunel yoʼtanik te israeletike, akʼbotik castigo yuʼun Dios jaʼ te bitʼil bayuknax nainik ta 40 jaʼbil ta jochol takin kʼinal.
Ta patil, te Josué la yichʼ tsael yuʼun ya yikʼ bael ta skʼinal Canaán te israeletike. Te Jehová la spas milagroetik swenta ya yuʼuninik te kʼinale. La yakʼ komuk ta beel te mukʼul jaʼ Jordán, la yakʼ jinuk koel te tsʼajkʼetik yuʼun Jericó sok la yakʼ te sjunal kʼajkʼal kom ta beel te kʼajkʼale. Wakeb jaʼbil ta patil te israeletike la spojbeyik skʼinal te cananeoetike.
Te israeletik la yichʼik wentainel yuʼun juecetik ta 356 jaʼbil, te machʼa sbabial wentainotik yuʼune jaʼ te Josué. Yame jnoptik bael ta swenta te winiketik ini, jich bitʼil te Barac, Gedeón, Jefté, Sansón sok te Samuel. Jaʼnix jich ya jnopbeytik bael skʼoplal chaʼoxtul antsetik, jich bitʼil te Rahab, Débora, Jael, Rut, Noemí sok te Dalila. Jich yuʼun te YOXEBAL PARTE ini smakoj 396 jaʼbil.
TA SECCION INI
AʼIYEJ 35
Te Jehová la yakʼ leyetik
¿Bin cheb mantalil te kʼax mukʼ skʼoplal yuʼun te lajuneb mantaliletike?
AʼIYEJ 36
Jkolel toro te pasbil ta oro
¿Bin yuʼun te lum yuʼun Dios la spas jun lokʼomba te pasbil ta oro?
AʼIYEJ 37
Nailpakʼ te banti la yichʼ ichʼel ta mukʼ te Diose
Ay ta yutil kuarto te arka yuʼun chapbil kʼope.
AʼIYEJ 38
Te lajchayeb ta jtul jtsajtaywanejetik
Te Moisés la stikun jtsajtaywanejetik ta skʼinal Canaán. Lajuntul la yal te bin ya snop yoʼtanike, ay chaʼtul te yan bin la yalik-a. ¿Machʼa ya schʼuunbeyik te israeletike?
AʼIYEJ 39
Nichimaj snabateʼ te Aarone
¿Bin-utʼil-a te jchʼix nabateʼ nichimaj sok te ta jun-nax ajkʼabal sitine?
AʼIYEJ 40
Te Moisés la smaj te mukʼul tone
Te Moisés la slokʼes ta jaʼe, jaʼukmeto ilin yuʼun te Jehovae.
AʼIYEJ 41
Te chan pasbil ta cobre
¿Bin yuʼun la stikun bael jtiʼawal chanetik ta stojol te israeletike?
AʼIYEJ 43
Och ta jwolwanej te Josué
Te Moisés tulanil winikto-a, ¿bin yuʼun te jelolinot jilel te Josué?
AʼIYEJ 44
Te Rahab la snakʼ te jtsajtaywanejetike
¿Bin–utʼil la skoltay te chaʼtul winiketike sok bin la skʼan yakuk yichʼ pasbeyel?
AʼIYEJ 45
Kʼaxik ta mukʼul jaʼ Jordán
Jun milagro kʼot ta pasel te kʼalal kʼaxik bael ta mukʼul jaʼ.
AʼIYEJ 47
Jtul j-elekʼ ta lum Israel
¿Yabal xjuʼ jtul chopol winik ya yichʼ tal tulan wokolil ta stojol te jpam nasione?
AʼIYEJ 48
Pʼij la yakʼ sbaik te gabaonetike
La sloʼlayik te Josué sok te israeletik swenta maba ya x-akʼbotik guerra, jaʼukmeto te israeletike la skʼotesik ta pasel te bin la yalik ta jamale.
AʼIYEJ 49
Kom ta beel te kʼajkʼale
Te Jehová ay bin la spas ta stojol Josué te maʼyuk jich pastajem ta nailto sok ta patil.
AʼIYEJ 50
Chaʼtul antsetik te ma xiw yoʼtanike
Te Barac la swol te soldadoetik yuʼun israeletik ta guerra, ¿bin yuʼun juʼ yuʼun tsalaw te Jaele?
AʼIYEJ 51
Te Rut sok te Noemí
Te Rut la yijkʼitay jilel te sna swenta ya sjokin ta nainel te Noemí sok la yichʼ ta mukʼ te Jehová.
AʼIYEJ 52
Te Gedeón sok te 300 ta jtul winiketik yuʼun
Te Dios la stsa te machʼatik ya xbajtʼik ta guerra jaʼ te machʼatik nijajtiknax ya yuchʼik te jaʼe.
AʼIYEJ 53
Te bin jamal la yal ya spas te Jefté
Te bin la yal ta jamal ya spas ta stojol te Jehová te Jefté maba stukel la skʼotes ta pasel, jaʼnix jich ay bin la skʼotes ta pasel-euk te yantsil nichʼane.
AʼIYEJ 55
Jtul tut kerem te abatin ta stojol Dios
Te Dios la stuuntes te tut Samuel swenta la yakʼbey snaʼ te mukʼul sacerdote Elí te bin tulan skʼoplale.
