Ta sjajchibal, te Biblia jaʼ ya yal ta swenta te bintik la yichʼ pastiklanel, te ya yalbotik te bintik tʼujbil la spas te Jehová ta chʼulchan sok ta Balumilal. Teme ay awal anichʼnabe, koltaya swenta ay skʼoplal ta yoʼtanik te bintik bayal ta chajp pastiklanbil te chajpnax-ae. Akʼa ta naʼel te yan yilel la spas te Jehová te ants winiketik te ma pajaluk sok te chambalametik, melel te ants winiketik ay spʼijilik, ya xjuʼ xkʼopojik, ya x-ochik ta rason, ya schiknajtes biluketik, ya xkʼayojinik sok ya xjuʼ ya skʼoponik Dios. Koltaya te awal anichʼnab ta yilel te ay yuʼel sok ay spʼijil te Jehová, te ay skʼuxul yoʼtan ta swenta te bintik spastiklanoj, jich bitʼil te joʼotike.