Te sbabial jchʼuunjeletik la spukik ta alel te lek yachʼil kʼop yuʼun te Wentainel yuʼun te Dios ta lumetik te namal ayike. Te Jesús la swol te jchʼuunjeletik swenta ya snaʼik-a te banti ya scholik te skʼop Diose. Jaʼnix jich la spʼijubteslan ta swenta milagro yuʼun ya yakʼik ta nopel te smelelil kʼop ta kʼopil te ya xkʼopojik te ants winiketike. Koltayotik yuʼun Jehová te manchuk ya xiwik sok akʼbot yip yoʼtanik swenta ya stsʼik yuʼunik te tulan nutsele.

Te Jesús la yakʼbey yil te Juan ta jun najalsitil te yutsilal te Jehová. Ta yan najalsitil la yakʼbey yil te bin-utʼil te Wentainel ta chʼulchan yak ta stsalel te Satanás sok te ya slajin ta jkʼaxel te bintik swentainoje.  Te Juan la yil te ochemix ta Ajwalil te Jesús sok te 144,000 te yakik ta mantalteswanej soke. Jaʼnix jich la yil te ya xpastaj ta nichimal kʼinal te Balumilale sok te jun-nax ya yichʼik ta mukʼ te Jehová sok slamalil kʼinal.