¿Bin yuʼun te Dios la slajin te ants winiketik ta namey kʼinal ta jun pulemal? Te kʼalal chiknaj te ants winiketike, jajch tulan kʼop ta swenta te bin lek sok te bin chopole. Ay chaʼoxtul ants winiketik, jich bitʼil te Adán sok Eva soknix te Caín te jaʼ yal snichʼnabike, jaʼ la stsaik spasel te bin chopole. Pero jaʼnax chaʼoxtul la stsaik spasel te bin leke, jich bitʼil te Abel sok te Noé. Jteb ma spisiluk te ants winiketik kʼax chopolik, jich yuʼun-abi te Jehová la slajinlan. Ta parte ini, yame jnoptik te bitʼil ya yil Jehová te bin ya jtsatik spasel sok maʼyuk bin-ora ya yakʼ ta tsalel te bin lek ta bin chopol.