Cheb u ta patil te kʼalal kʼaxemikix ta yolil te mar Rojo, te israeletik kʼotik ta wits Sinaí. Tey-a te Jehová la spas jun chapbilkʼop sok te lum Israel swenta ya xkʼot ta nasion te mukʼ skʼoplale. La skanantay sok la yakʼtiklanbey te bintik ya xtuun yuʼunik jich bitʼil, maná yuʼun ya sweʼik, maba laj te skʼuʼ spakʼik sok lekil lugar te banti nainike. Teme ay awal anichʼnabe, koltaya ta snaʼbeyel swentail bin yuʼun te Jehová la yakʼbey te israeletik te Ley, te nailpakʼ templo sok te aʼtelil yuʼun sacerdote. Albeya te tulan skʼoplal te ya skʼan ya jkʼotestik ta pasel te bin jamal ya kaltike sok te spisiluk-ora jun koʼtantik ta stojol te Jehová soknix te pekʼeluk koʼtantike.