Sjajchibal yuʼun te parte 7
Ta parte ini ya scholbey skʼoplal te skuxlejal te ajwalil Saúl sok te ajwalil David, jteb ma sta 80 jaʼbil smakoj spisil-abi. Ta sjajchibal, te Saúl pekʼel yoʼtan-a sok la schʼuunbey skʼop te Diose. Pero jelon te stalele, la skʼaxuntay te tojobtesel yuʼun te Jehovae. Te Jehová la spʼaj te Saúl, jich yuʼun la skʼanbey te Samuel te akʼa stsa te David yuʼun jaʼ ya x-och ta ajwalil yuʼun te Israele. Te Saúl tal sbikʼtal yoʼtan ta stojol te David sok bayal buelta la sle bin-utʼil ya smil. Manchukme jich-abi, te David maʼyuk bin-ora la yakʼbey spakol. Te Jonatán snichʼan te Saúl, snaʼoj-a te jaʼ tsabil yuʼun Jehová te Davide, jich yuʼun jun yoʼtan la yakʼ sba ta stojol. Manchukme te David la spas tulan muliletik, spisil-ora la schʼuun te tojobtesel yuʼun te Jehová. Teme ay awal anichʼnabe, koltaya ta yilel te kʼax tulan skʼoplal te ya jpastik spisil te bin ya snop ya spas te Diose.
TA SECCION INI
KAPITULO 39
Te sbabial ajwalil yuʼun Israel
Te Dios la yakʼ juesetik swenta ya swol te israeletik, pero la skʼanik jtul ajwalil. Te Samuel la stsa te Saúl swenta ya xkʼot ajwalil, patil te Jehová la spʼaj, ¿bin yuʼun?
KAPITULO 40
Te David sok te Goliat
Te Jehová la stsa te David swenta ya x-och ta ajwalil yuʼun Israel, te David la yakʼ ta ilel te lekil ajwalil ya xkʼot.
KAPITULO 41
Te David sok te Saúl
Jtul chopol winik ya sbikʼtal oʼtantay jtul lekil winik. ¿Bin-utʼil la sut te lekil winike?
KAPITULO 42
Te Jonatán maba xiw sok jun yoʼtan la yakʼ sba
Te snichʼan te ajwalil kʼot ta lekil amigo yuʼun te David.
KAPITULO 43
Te mulil la spas te ajwalil David
Te bin chopol la sta ta nopel ya spase, akʼbot bayal swokol yuʼun.
