Ta parte ini ya jnoptik ta swenta alaletik, j-alwanejetik sok ajwaliletik te la yichʼik naʼbeyel sba ta skaj te schʼuunel yoʼtanik ta stojol te Jehová. Ta Siria, jtul tut israel-achʼix ay schʼuunel yoʼtan ta stojol te j-alwanej yuʼun Jehová te ya xjuʼ ya slekubtes te Naamán. Te j-alwanej Eliseo jkʼaxel la yakʼ schʼuunel yoʼtan ta stojol Jehová te ya xkoltayot ta stojol te skontratake. Te mukʼul sacerdote Joiada (Jehoiadá) la yakʼ ta wokol skuxlejal yuʼun ya skanantay te Joás (Jehoás) ta stojol te schuchuʼ te kʼax chopol te Atalía sbiile. Te ajwalil Ezequías la yakʼ smukʼul yoʼtan ta stojol Jehová te maba la yakʼ ta lajinel te Jerusalén sok maba la yakʼ sba ta skʼab te soldado asiriaetik. Te ajwalil Josías la slajinbey skʼoplal te  schʼuunel lokʼombaetik ta lum-abi, la schaʼpas te templo sok la skoltay te lum swenta ya yichʼik ta mukʼ te Jehová yan buelta.