LEKSION 1
Lekuknax te bin-utʼil ya ajach te awaʼiyeje
Hechos 17:22
TE BIN YA SKʼAN YA ANOP: Te sjajchibal te awaʼiyej yame skʼan ya stij oʼtanil, akʼa ta naʼel ta jamal te tema sok te bin yuʼun ya skʼan ya smulanik te machʼatik ya schʼam yaʼiyike.
¿BIN-UTʼIL TA PASEL?
-
Tijbeya yoʼtan te machʼatik ya schʼam yaʼiyike. Tsaa jun jojkʼoyel, jun eksperiensia, te bin la yal jtul ants winik o jun notisia te ya smulanik yaʼiyele.
-
Akʼa ta nael te tema. Ta sjajchibal te awaʼiyeje pasa tulan te jamaluk ya xchiknaj ta aʼiyel te tema sok te bin ya akʼan ya xlokʼ awuʼun-a te bin ya acholbey skʼoplale.
-
Akʼa ta naʼel bin yuʼun mukʼ skʼoplal te tema. Chajpana te awaʼiyej jich te bitʼil ya xtuun yuʼunik te machʼatik ya schʼam yaʼiyike. Yame skʼan jamal ya xkʼot ta yoʼtanik te bin-utʼil ya xtuun yuʼunik ta jujuntul te bin ya awalbey skʼoplale.
