Chajpana te awoʼtane. Te kʼalal ya achajpan aba nopilana ta awoʼtan te bayal skʼoplal te bin ya awakʼ ta nopele. Nopbeya ta lek skʼoplal te informasione, jichme ya awalbey skʼoplal sok yip awoʼtan.

Ayuk ta awoʼtan te machʼatik ya schʼam yaʼiyike. Nopa awaʼiy ta lek te bintik lek ya xlokʼ yuʼunik-a te bin ya awale sok te bin ya akʼopone. Nopa te bin-utʼil ya achol te informasion yuʼun ya xkʼot lek ta yoʼtanik sok te bin-utʼil ya xjuʼ xtuun yuʼunike.

Lokʼemuk ta awoʼtan te bin ya awakʼ ta nopele. Kʼopojan sok yip awoʼtan. Akʼa ta ilel ta swenta te bitʼil ya atij te asit awelawe sok te snujpʼuk te bitʼil ya atij abae.