LEKSION 12
Akʼa ta ilel kʼuxul oʼtanil sok jichuk ya awaʼiy aba te bitʼil ya yaʼiy sba te yantike
1 Tes. 2:7, 8
TE BIN YA SKʼAN YA ANOP: Kʼopojan sok skʼuxul awoʼtan sok te ya akʼan ya akoltay te machʼatik ya schʼam yaʼiyik te akʼope.
¿BIN-UTʼIL TA PASEL?
-
Ayuk ta awoʼtan te machʼatik ya schʼam yaʼiyik te akʼope. Swenta ya achajpan te awoʼtane, ilawil ta lek te bintik wokolil yakik ta sitintayel sok nopa awaʼiy te bin yaʼiyel ya yaʼiy sbaike.
-
Tsaa ta lek te kʼopetik ya atuuntese. Te kʼopetik ya atuuntese yame skʼan ya x-akʼbot smukʼul yoʼtanik, smukʼul kʼinal sok yip yoʼtanik. Mame xa atuuntes kʼopetik te ya slajin te yantike sok mame chopoluk ya xkʼopojat ta stojol te machʼatik maba schʼuunejik te Diose sok ta swenta te bintik schʼuunejike.
-
Ayuk skʼoplal ta awoʼtan te machʼatik ya schʼam yaʼiyik te akʼope. Teme ay yutsil awoʼtan ya xkʼopojat sok snujpʼ te bitʼil ya atij te asit awelawe, jich ya awakʼ ta ilel te ay skʼoplal ta awoʼtane. Yichʼojuk swentail te bin yuʼun ya atij te asit awelawe sok tseʼejinanme.
