LEKSION 13
Akʼa ta naʼel bin-utʼil ya xtuun te bin ya awakʼ ta nopele
Proverbios 3:21
TE BIN YA SKʼAN YA ANOP: Koltaya ta snaʼel te machʼatik ya schʼam yaʼiyik te akʼop te bin-utʼil ya xkoltayotik ta skuxlejalik te bin ya awakʼ ta nopele sok te bin ya skʼan ya spasike.
¿BIN-UTʼIL TA PASEL?
-
Ayuk ta awoʼtan te machʼatik ya schʼam yaʼiyik te akʼope. Nopa bin yuʼun ya awakʼ ta nopel te informasion sok ilawil bin punto ta tema te mukʼxan skʼoplal ya xtuun yuʼunik ta skuxlejalik.
-
Ta spisil te bin ya awakʼ ta nopele akʼa ta naʼel ta jamal te bin ya skʼan ya spasike. Ta sjajchibalto te awaʼiyej, jichme ya skʼan ya yalik ta jujuntul: «Jaʼ kuʼun ya kaʼiy-abi». Te kʼalal ya awalbey skʼoplal te jujun punto te mukʼ skʼoplale, ala ta jamal te bin-nix-utʼil ya skʼan ya spas ta skuxlejalik-ae.
