LEKSION 14
Alulanbeya skʼoplal te puntoetik te mukʼ skʼoplal
Hebreos 8:1
TE BIN YA SKʼAN YA ANOP: Koltaya te machʼatik ya schʼam yaʼiyik te akʼop yuʼun ya stʼunik bael te bin ya achol ta adiskurso. Akʼa ta naʼel te bin-utʼil snitojbey sba skʼoplal te tema sok te puntoetik te mukʼ skʼoplale soknix te bin ya akʼan ya xlokʼ awuʼun-ae.
¿BIN-UTʼIL TA PASEL?
-
Te bin ya akʼan ya xlokʼ awuʼun-ae. Nopa nailuk te bin ya akʼan ya xlokʼ awuʼun-a te adiskurso: ¿jaʼnaxbal te ay bin ya awalbey skʼoplal, ay bin ya awakʼbey schʼuun te ants winiketik o yuʼun ya atij oʼtanil? te kʼalal la awilix-abi jich xa achajpan te adiskursoe. Soknix ilawil ta lek te puntoetik te mukʼ skʼoplal teme snitojbey sba skʼoplal sok te bin ya akʼan ya xlokʼ awuʼun-ae.
-
Alulanbeya skʼoplal te tema yuʼun te adiskurso. Te kʼalal yakat ta skʼasesel te adiskurso alulanbeya skʼoplal te stemail te adiskurso o tuuntesa jmajkʼ kʼopetik te pajal soke.
-
Jamaluk sok mame chujkʼuluk ya acholbey skʼoplal te puntoetik te mukʼ skʼoplale. Tuuntesa te puntoetik te snitojbey sba skʼoplal sok te tema, sok tʼuna te tiempo akʼbil yuʼun ya acholbey skʼoplale. Tsaa cheʼoxebnax puntoetik sok jamaluk xa achol. Akʼa ta naʼel te banti ya xlaj te jujun punto sok mame orauk ya xkʼaxat ta yan.
