Chajpana aba ta lek. Nopa ta lek te informasion jaʼto teme kʼot lek ta awoʼtan te bintik mukʼ skʼoplale sok te bin ya yal te Biblia ta swenta-abi. Pasa tulan yuʼun ma chujkʼuluk ya awalbey skʼoplal sok jaʼuk ay ta awoʼtan te bin-utʼil ya xkoltaywan te informasione. Kʼanbeya schʼul espiritu te Jehová.

Tuuntesa kʼopetik te ya yakʼ ta naʼel te schʼuunej awoʼtan te bin ya awale. Mame jaʼuknax ya awal te bintik tsʼibaybile, jaʼ xa achol te bitʼil kʼot ta awoʼtane. Tuuntesa kʼopetik te ya yakʼ ta naʼel te smelelil te bin ya awale.

Smeleliluk te bin ya awal sok lokʼemuk ta awoʼtan. Moesbeya yip te akʼope. Ta lugaretik te banti ma chopoluk ta ilele, ilbeya sit te machʼatik ya schʼam yaʼiyik te akʼope.