LEKSION 16
Akʼa yip-oʼtanil ta swenta te bin ya awale
Job 16:5
TE BIN YA SKʼAN YA ANOP: Mame jaʼuk ya xbajtʼ ta awoʼtan yalel te wokolile, jaʼuk te bin-utʼil ta chajpanele sok te bintik ya x-akʼbot yip yoʼtanik te machʼatik ya schʼam yaʼiyik te akʼope.
¿BIN-UTʼIL TA PASEL?
-
Mame chopoluk bin ya anop ta stojol te machʼatik ya schʼam yaʼiyik te akʼope. Ayuk smukʼul awoʼtan te yakik ta spasel tulan te ermanoetik ta yamigoinel te Jehová. Te kʼalal ya awakʼ tsitsel, nail akʼa yip-oʼtanil teme jich ya skʼan pasele.
-
Mame bayaluk ya awalbey skʼoplal te bintik ma xyakʼ yip-oʼtanil. Teme ya akʼan ya awalbey skʼoplal te bintik ma xyakʼ yip-oʼtanil yuʼun ya acholbey skʼoplal jun tema, jaʼnaxme ya awal te bin-nix ya xtuun-ae. Te bitʼil ya awal spisil te bin ya acholbey skʼoplale yame skʼan ya yakʼ yip-oʼtanil.
-
Tuuntesa ta lek te sJun Diose. Albeya ta lek skʼoplal te bintik spasoj te Jehová, te bintik yak ta spasel sok te bintik ya xbajtʼ spas ta stojol te ants winiketike. Akʼbeya yip yoʼtan te machʼatik ya schʼam yaʼiyik te akʼope sok albeya te ay bintik lek ya xjuʼ ya smaliyike.
