LEKSION 17
Chikanuk ta aʼiyel te bin ya awale
1 Corintios 14:9
TE BIN YA SKʼAN YA ANOP: Koltaya te machʼatik ya schʼam yaʼiyik te akʼop yakuk xkʼot ta yoʼtanik te bin ya acholbey skʼoplale.
¿BIN-UTʼIL TA PASEL?
-
Nopbeya lek skʼoplal te informasione. Yame skʼan ya xkʼot lek ta awoʼtan te informasion yuʼun ma chujkʼuluk ya acholbey skʼoplal sok jaʼ xa achol te bitʼil kʼot ta awoʼtane.
-
Tuuntesa jtebnax kʼopetik yuʼun jich ya xkʼot ta oʼtanil te bin ya awale. Mame xa atuuntes bayal kʼopetik yuʼun ya acholbey ta lek skʼoplal te puntoetik te mukʼ skʼoplal te ya akʼan ya xkʼot ta yoʼtan te machʼatik ya schʼam yaʼiyik te akʼope.
-
Cholbeya skʼoplal te kʼopetik te ma naʼbiluk sba ta leke. Pasa tulan yuʼun ma xa atuuntes bayal kʼopetik te ma naʼbiluk sba ta leke sok cholbeya skʼoplal teme ay la atuuntese, jich bitʼil jmajkʼ kʼopetik, ants winiketik te ya yalbey skʼoplal te Biblia, te bitʼil ya yichʼ pʼisel te biluketik o kostumbreetik ta namey kʼinal te ma naʼbil sba ta leke.
