LEKSION 3
Pasa jojkʼoyeletik
Mateo 16:13-16
TE BIN YA SKʼAN YA ANOP: Pasa jojkʼoyeletik yuʼun ya atijbey yoʼtan te machʼatik ya schʼam yaʼiyik te akʼope, yuʼun ya awakʼ ta pensar sok yuʼun ya awakʼ ta naʼel te puntoetik te mukʼ skʼoplale.
¿BIN-UTʼIL TA PASEL?
-
Tija oʼtanil sok ma xa akom aba ta spasel. Pasa jojkʼoyeletik te ya xkoltayot ta spasel pensar te machʼatik ya schʼam yaʼiyik te akʼop sok te ya skʼan ya snaʼbeyikxan skʼoplal te bin ya achole.
-
Akʼa ta pensar te machʼatik ya schʼam yaʼiyik te akʼop ta swenta jun tema. Pasa jojkʼoyeletik yuʼun ya xkoltayotik ta spasel pensar ta swenta te tema sok te stukeluk ya xkʼot bael ta yoʼtanik te bin ya achole.
-
Akʼa ta naʼel te puntoetik te mukʼ skʼoplal. Te kʼalal mato awakʼoj ta naʼel-a te bin mukʼ skʼoplal, pasa jun jojkʼoyel te ya stij oʼtanil. Ta slajibal te jujun puntoetik te mukʼ skʼoplale tuuntesa jojkʼoyeletik ta spasel te schaʼnaʼel o ta slajibal te awaʼiyej.
