Tuuntesa informasion te smelelil te bin ya yale. Lokʼemuk ta sJun Dios te bintik ya awale sok kʼopona teme ya xjuʼe. Teme ya awalbey skʼoplal ta swenta siensia, notisia, jun eksperiensia o yantikxan informasion, ilawil teme yuʼun-nix smelelil-a te bin ya yale.

Tuuntesa ta lek te informasion. Te kʼalal ya acholbey skʼoplal jun teksto ta Biblia, nail ya skʼan ya anaʼbey skʼoplal te bin ya skʼan ya yakʼ ta nopel te Jehová ta bersikulo-abi. Jich yuʼun te bin ya awakʼ ta nopele yame skʼan snitojbey sba skʼoplal sok spajkal te bin ya yal te Biblia soknix te bin ya yal te junetik yuʼun «te aʼbat te jun yoʼtan soc pʼij» (Mat. 24:45). Teme ya awalbey skʼoplal te bin tsʼibaybil ta yantik libroetik, mame xa ajelontes te bin ya yale.

Akʼa ta pensar te machʼatik ya schʼam yaʼiyike. Kʼalal ya akʼopon te teksto ta Biblia o teme ya atuuntes yantik libroetik, pasa jojkʼoyeletik o ala jun lokʼombakʼop yuʼun jich ya akoltay te machʼatik ya schʼam yaʼiyik te akʼop ta yichʼbeyel swentail te bin ya acholbey skʼoplale.