LEKSION 8
Tuuntesa lokʼombakʼop kʼalal ya xpʼijubteswanat
Mateo 13:34, 35
TE BIN YA SKʼAN YA ANOP: Swenta ya xlekub te bitʼil ya xpʼijubteswanat tuuntesa lokʼombakʼopetik te ma chujkʼuluk ta aʼiyel yuʼun jich ya awakʼ ta nopel te puntoetik te mukʼ skʼoplale sok te ya xtijbot yoʼtan te machʼatik ya schʼam yaʼiyike.
¿BIN-UTʼIL TA PASEL?
-
Tuuntesa lokʼombakʼopetik te ma chujkʼuluke. Kʼayinbeya stalel te Jesús: tuuntesa lokʼombakʼopetik te komiknax yuʼun ya awakʼ ta nopel te bintik mukʼ skʼoplale sok tuuntesa lokʼombakʼopetik te ma chujkʼuluk ta aʼiyel yuʼun ya acholbey skʼoplal te bintik chujkʼule. Mame bayaluk bin ya awalbey skʼoplal ta swenta te lokʼombakʼope, melel ya xjuʼ schuk sba. Sok ilawil ta lek teme snitojbey sba skʼoplal te tema sok te lokʼombakʼop ya atuuntese, yuʼun jich ma chujkʼuluk ta aʼiyel-a.
-
Ayuk ta awoʼtan te machʼatik ya schʼam yaʼiyik te akʼope. Tsaa lokʼombakʼopetik te snitojbey sba skʼoplal sok te bintik ya spasike o temaetik te ya smulanike. Pasa tulan yuʼun maba ya akʼexlaltes sok te ma lekuk ya yaʼiy sbaike.
-
Cholbeya skʼoplal te punto ya akʼan ya awakʼ ta nopele. Tuuntesa lokʼombakʼopetik yuʼun ya acholbey skʼoplal te bintik mukʼ skʼoplale, mame ta spisiluk te bin ya achole. Pasa tulan yuʼun jaʼ ya xjil ta oʼtanil te bin ya awakʼ ta nopele, ma jaʼuknax te lokʼombakʼope.
