Bayal millón ta tul te jaʼik espirituetik
Te Biblia ya yal te ay bayal espirituetik. Jich bitʼil te Jehová jaʼ jun espíritu (Juan 4:24; 2 Corintios 3:17, 18).
Ta sjajchibal stukel ay-a te Jehovae. Pero ta patil jajch spas te espirituetik, jaʼik te chʼul-abatetike. Jaʼ bayalxan yuʼelik sok spʼijilik te bitʼil te ants winiketike. Te Jehová la spas bayal ta tul chʼul-abatetik; te Daniel, te jaʼ jtul j-abat yuʼun Dios, la yil 100 millón ta tul chʼul-abatetik ta jun najalsitil (Daniel 7:10; Hebreos 1:7).
Te Dios la spas te chʼul-abatetik te kʼalal mato pasbil-a te Balumilale (Job 38:4-7). Te chʼul-abatetik-abi maʼyuk bin-ora kuxinemik sok lajemik liʼ ta Balumilale.
Te Jehová jaʼ espíritu, la spas bayal ta millón ta tul espirituetik